ۇ ب ت: تەست ناتيجەسى بىردەن شىعارىلادى

نۇر-سۇلتان. قازاقپارات - تەستىلەۋ ناتيجەلەرى ۇ ب ت اياقتالعاننان كەيىن بىردەن قولجەتىمدى بولادى.

بۇل تۋرالى ق ر ب ع م جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ ايتتى، دەپ حابارلايدى قازاقپارات ءتىلشىسى.

«تاعى ءبىر ارتىقشىلىعىنا توقتالساق، تەست ناتيجەسى جۇمىس كۇنىنىڭ سوڭىندا ەمەس، تەستىلەۋ ناقتى اياقتالعاننان كەيىن بىردەن سول جەردە قولجەتىمدى بولادى. ۇ ب ت ناتيجەلەرىمەن كەلىسپەگەن جاعدايدا تالاپكەر اپەللياتسياعا سول كۇنى، ياعني 30 مينۋت ىشىندە ءوتىنىش بەرۋگە قۇقىلى»، - دەدى ءا. تويبايەۆ ورتالىق كوممۋنيكاتسيالار قىزمەتىندە.

ءبىلىم مينيسترلىگىنىڭ مالىمەتىنشە، ەلەكتروندى ۇ ب ت ناتيجەلەرىن وڭدەۋ بارىسىندا پاراقتاعى ءىشىنارا بويالعان جاۋاپتاردىڭ ەسەپتەلمەي قالۋى سياقتى تەحنيكالىق قاتەلەردىڭ بولۋى مۇمكىن ەمەس. تەستىلەۋدىڭ بۇل فورماتىندا وقۋشىلار جاۋاپ پاراعىن تولتىرۋعا ۋاقىت جۇمساماي، بۇل ۋاقىتتى تەست تاپسىرمالارىن ورىنداۋعا پايدالانا الادى. كومپيۋتەرلىك تەستىلەۋدىڭ تاعى ءبىر ارتىقشىلىعى - ۇ ب ت ناتيجەلەرىن تەستىلەۋ اياقتالعاننان كەيىن بىردەن بىلۋگە بولادى. تەستىلەۋ قورىتىندىسى بويىنشا جينالعان ۇپاي سانى ەكرانعا شىعارىلادى.

سونداي-اق ۇ ب ت قاتىسۋشىسى قانداي سۇراقتارعا قاتە جاۋاپ بەرگەنىن بىردەن كورە الادى. بۇدان بۇرىن حابارلانعانداي، بيىل ۇلتتىق ءبىرىڭعاي تەستىلەۋ ەلەكتروندى فورماتتا وتەدى. ۇلتتىق ءبىرىڭعاي تەستىلەۋدى ەكى مارتە تاپسىرۋعا بولادى. تاراتىلعان مالىمەتكە قاراعاندا، تەستىلەۋگە 4 ساعات (240 مينۋت) بەرىلەدى. ۇ ب ت ناتيجەسى بويىنشا تالاپكەرلەر ەڭ جوعارى 140 بالل جيناي الادى.

اۆتور: رۋسلان عابباسوۆ