گرانت الۋ ءۇشىن ۇلتتىق ءبىرىڭعاي تەستىلەۋگە ەكى مارتە قاتىسۋعا بولادى

None
None
نۇر-سۇلتان. قازاقپارات - مەملەكەتتىك ءبىلىم گرانتىن ۇتىپ الۋعا نيەتتەنگەن ۇمىتكەرلەر ۇلتتىق ءبىرىڭعاي تەستىلەۋدى ەكى مارتە تاپسىرا الادى.

بۇل تۋرالى ق ر ب ع م جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ ايتتى، دەپ حابارلايدى قازاقپارات ءتىلشىسى.

«بۇرىنعىداي ءبىر عانا مۇمكىندىك ەمەس، ەندى تاپسىرۋعا ەكى مۇمكىندىك بولادى»، - دەدى ءا. تويبايەۆ ورتالىق كوممۋنيكاتسيالار قىزمەتىندە.

ءبىلىم مينيسترلىگىنىڭ مالىمەتىنشە، ەگەر تالاپكەر ءساۋىر ايىندا تەستىلەۋدەن وتكەن بولسا، ونىڭ ۇ ب ت- نى ەكىنشى رەت بىرنەشە كۇننەن كەيىن نەمەسە مامىر نە ماۋسىم ايلارىندا تاپسىرۋ مۇمكىندىگى بولادى. تەستىلەۋگە ءبىر كۇندە 2 رەت قاتىسۋعا تىيىم سالىنادى. مەملەكەتتىك ءبىلىم بەرۋ گرانتىن الۋ كونكۋرسىنا قاتىسۋ ءۇشىن وقۋعا ءتۇسۋشى ەڭ جاقسى ناتيجەسى بار سەرتيفيكاتتى ۇسىنا الادى. بۇل مۇمكىندىك ۇمىتكەرلەردىڭ گرانت ۇتىپ الۋ مۇمكىندىگىن ايتارلىقتاي ارتتىرا تۇسپەك.

ۇ ب ت- نى ادەتتەگىدەي 3 مىندەتتى جانە 2 بەيىندى ءپان بويىنشا تاپسىرادى. قاتىسۋشىلارعا 120 تەست تاپسىرماسى بەرىلەدى، ونىڭ ىشىندە قازاقستان تاريحى بويىنشا - 15، ماتەماتيكالىق ساۋاتتىلىق بويىنشا - 15، وقۋ ساۋاتتىلىعى بويىنشا - 20 جانە ەكى بەيىندىك ءپان بويىنشا 35 تاپسىرمادان.

تاراتىلعان مالىمەتكە قاراعاندا، تەستىلەۋگە 4 ساعات (240 مينۋت) بەرىلەدى.

ۇ ب ت ناتيجەسى بويىنشا تالاپكەرلەر ەڭ جوعارى 140 بالل جيناي الادى. قاتىسۋشىلار تاپسىرمالاردى كەز-كەلگەن پاننەن باستاي الادى. سونداي-اق تەستىلەۋ اياقتالعانعا دەيىن جاۋاپ بەرىلگەن سۇراقتارعا قايتا ورالىپ، جاۋاپتاردى تۇزەتۋگە بولادى. تالاپكەرلەرگە ىڭعايلى بولۋ ءۇشىن ۇ ب ت بارىسىندا كومپيۋتەر ەكرانىندا كالكۋلياتور، مەندەلەيەۆ جانە تۇزداردىڭ ەرىگىشتىگى كەستەلەرى قولجەتىمدى بولادى. سونىمەن بىرگە تەستىلەۋدىڭ 60 مينۋتىنان كەيىن وقۋشىلارعا كوزگە ارنالعان جانە دەنە جاتتىعۋلارىن ورىنداۋ ءۇشىن ەكى مينۋتتىق ءۇزىلىس، 120 مينۋتتان كەيىن 15 مينۋتتىق ءۇزىلىس بەرىلەدى. بۇدان بۇرىن حابارلانعانداي، بيىل ۇلتتىق ءبىرىڭعاي تەستىلەۋ ەلەكتروندىق فورماتتا وتەدى.


اۆتور: رۋسلان عابباسوۆ


سوڭعى جاڭالىقتار