جاس ولكەتانۋشىلار سارىارقانىڭ تانىمال تۇلعالارىن زەرتتەپ ءجۇر

قاراعاندى. قازاقپارات - قاراعاندى وبلىستىق تاريحي-ولكەتانۋ مۇراجايىندا «جادىگەر» كىتاپحانالىق ولكەتانۋ كلۋبىنىڭ وتىرىسى ءوتتى.

جاس زەرتتەۋشىلەر «سارىارقانىڭ ۇلى تۇلعالارى. زنامەنيتىە ليۋدي سارىاركي» اتتى جۇمىستى تالقىعا سالدى، دەپ حابارلايدى قازاقپارات ءتىلشىسى.

كلۋب وتىرىسىندا ولكەتانۋشىلار ءوز جۇمىسىن ءبولىستى. وسىلايشا، اللا شاليموۆا قاراعاندىنىڭ تۇڭعىش دارىگەرى گەرمان الالىكين تۋرالى، ال ياسمين بايسەرىك قۇرمەتتى شاحتەر ءتۇسىپ كۇزەمبايەۆتىڭ تاعدىرى تۋرالى ايتىپ بەردى.

كلۋب مۇشەلەرىنىڭ زەرتتەۋلەرى جالعاسىپ جاتىر. ناتيجەلەر قاراعاندى وبلىسىنىڭ تاريحي-ولكەتانۋ مۇراجايى جانە ە. ا. بوكەتوۆ اتىنداعى قارۋ ارحەولوگيا جانە ەتنوگرافيا مۇراجايى وكىلدەرىنىڭ قاتىسۋىمەن وتەتىن كەلەسى وتىرىستا «سارىارقا دالالىق وركەنيەتتىڭ التىن بەسىگى» دوڭگەلەك ۇستەلىندە جاريالانادى.

قاراعاندى وبلىستىق بالالار كىتاپحاناسىندا «جادىگەر» ولكەتانۋ-زەرتتەۋ كلۋبى 2018-جىلدان باستاپ جۇمىس ىستەيدى. ونىڭ مۇشەلەرى - ءوز ولكەسىنىڭ تاريحى مەن مادەنيەتىنە قىزىعۋشىلىق تانىتاتىن كىشى، ورتا جانە جوعارى مەكتەپ جاسىنداعى بالالار.