قىتايداعى ەل چەمپيوناتىندا ەكى قانداسىمىز جۇلدەگەر اتاندى - شەتەلدەگى قازاق ءتىلدى ب ا ق- قا شولۋ

None
None
نۇر-سۇلتان. قازاقپارات - «قازاقپارات» ح ا ا ادەتتەگىدەي شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

«وزبەك كينو» قازاقستان ەلشىلىگىمەن ىنتىماقتاستىق جاساۋدا – ءو ز ا

«وزبەك كينو» ۇلتتىق اگەنتتىگىندە وزبەكستانداعى قازاقستان رەسپۋبليكاسىنىڭ ەلشىلىگىمەن كەزدەسۋ ءوتىپ، وندا ەكى تاراپتىڭ الداعى ىنتىماقتاستىعى تالقىلاندى، دەپ حابارلايدى ءوزا اقپارات اگەنتتىگى. كەزدەسۋدە «وزبەك كينو» اگەنتتىگى تاپسىرىسى بويىنشا تاسپالانعان رەجيسسەر حيلول ناسيموۆتىڭ «مۇرا» (مەروس) اتتى كوركەم فيلمى كورسەتىلگەن.

وزبەكستاندىق ب ا ق-تىڭ دەرەگىنە سۇيەنسەك، كورسەتىلىم اياقتالعاننان كەيىن قازاقستاننىڭ وزبەكستانداعى توتەنشە جانە وكىلەتتى ەلشىسى دارحان ساتىبالدى اگەنتتىكتىڭ باس ديرەكتورى فيرداۆس ابدۋحوليكوۆ، كينورەجيسسەر حيلول ناسيموۆ جانە «وزبەككينو» اگەنتتىگى وكىلدەرىمەن كەزدەسكەن.


«كەزدەسۋ بارىسىندا اگەنتتىك باس ديرەكتورى قازاقستان ەلشىلىگىن «وزبەككينو» كومپانياسىمەن ىنتىماقتاستىققا شاقىردى. ول ەڭ الدىمەن «مۇرا» كوركەم فيلمىنىڭ ءىرى پرەمەرالارىن وزبەكستان مەن قازاقستاندا وتكىزۋدى ۇسىندى. سونداي-اق ىنتىماقتاستىق تۋرالى مەموراندۋمعا قول قويۋ ارقىلى كينو نارىعىن جاقسارتۋدى جانە قىركۇيەك ايىنا جوسپارلانعان «جىبەك جولىنىڭ ءىنجۋ- مارجانى» اتتى تاشكەنت حالىقارالىق كينوفەستيۆالىنە قاتىسۋدى ۇسىندى.

ءوز كەزەگىندە قازاقستان ەلشىسى وسىناۋ يگى ىستەر مەن بارلىق ۇسىنىستاردى ءجون ساناپ، بۇل ىنتىماقتاستىق كينويندۋستريانىڭ دامۋىنا اسەر ەتەتىندىگىن ايتتى» دەپ جازادى ءو ز ا اقپارات اگەنتتىگى.


قىتايداعى ەل چەمپيوناتىندا ەكى قانداسىمىز جەڭىس تۇعىرىنان كورىندى - «جەنمين جيباو»

27-30-ناۋرىز ارالىعىندا حەيلۋنجيان كونكي ستاديونىندا كونكيمەن سىرعاناۋدان 2020-2021 -جىلعى ماۋسىمنىڭ ۇلتتىق چەمپيوناتى ءوتتى، دەپ حابارلادى People Daily اقپارات پورتالى.

بارلىعى 112 ادامنان تۇراتىن 36 كوماندا ەرلەر مەن ايەلدەر اراسىندا 500، 1000 م، 1500 م، 5000 مەتر، كوماندالىق قۋۋ، ايەلدەر اراسىندا 3000 جانە ەرلەر اراسىندا 10000 مەترلىك جارىستاردا باق سىنادى. 29-ناۋرىز ءۇشىنشى جارىس كۇنى بولدى. سول كۇنى ەرلەر جانە ايەلدەر اراسىندا 1000 مەترگە، سونداي-اق ايەلدەر 5000 مەترگە، ەرلەر 10000 مەترگە جۇگىرۋ جارىستارى وتكەن.


«ەرلەر اراسىنداعى 10000 مەترلىك جارىستا باق سىناعان شىنجاڭدىق قانداسىمىز باۋىرجان راحات ۇلى كۇمىستەن القا تاقتى. ال، كونكيمەن سىرعاناۋدان ايەلدەر اراسىنداعى 5000 مەترلىك جارىستا تيانجيندىك قازاق اقنار اداق قىزى دا كۇمىس مەدالدى قانجىعاسىنا بايلادى» دەپ جازادى «جەنمين جيباو». اتالعان ب ا ق-تىڭ دەرەگىنشە، بۇل ءىس-شارانى ق ح ر مەملەكەتتىك سپورت باس مەكەمەسى مەن قىسقى سپورت تۇرلەرىن باسقارۋ ورتالىعى جانە قىتايدىڭ كونكي تەبۋ قاۋىمداستىعى ۇيىمداستىرعان.


ەۋرازيا ۇلتتىق ۋنيۆەرسيتەتى مەكتەپ ءبىتىرۋشى تۇلەكتەردى قابىلداۋعا دايىن - Kaznews

وسىنداي اقپارات موڭعوليالىق Kaznews پورتالىندا جاريالاندى. قازاقستان رەسپۋبليكاسىنىڭ جەتەكشى كلاسسيكالىق جوعارى وقۋ ورىندارىنىڭ ءبىرى - لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ قۇرىلعانىنا بيىل جيىرما بەس جىل تولىپ وتىر، دەپ حابارلايدى Kaznews اقپارات پورتالى. موڭعوليالىق ب ا ق-تا جاريالانعان اقپاراتتا قازاقستان استاناسىندا ورنالاسقان ۇلتتىق ءبىلىم شاڭىراعىنداعى جۋرناليستيكا جانە ساياساتتانۋ فاكۋلتەتى رەسپۋبليكا بويىنشا وزىق ماماندار دايارلايتىن بىردەن- ءبىر شىعارماشىل- پەداگوگيكالىق ۇجىم ەكەنى ايتىلادى.

كافەدرا مەڭگەرۋشىسى، فيلولوگيا عىلىمدارىنىڭ كانديداتى، بەلگىلى اقىن سەرىكزات دۇيسەنعازى باسقاراتىن ۇجىم شەتەلدەرمەن تىعىز بايلانىس ورناتقان. ول كافەدرادا موڭعوليا مەملەكەتىنىڭ ورتا جانە جوعارى مەكتەبىن بىتىرگەن شاكىرتتەر دە ءبىلىمىن جالعاستىرىپ، ەڭبەك ەتىپ جۇرگەنى تىلگە تيەك ەتىلەدى وسى جازبادا.


«ولاردىڭ قاتارىندا بايان ولگييدىڭ تۋماسى، ءبىراز جىلدار تەلەراديو جانە قوعاممەن بايلانىس كافەدراسىنىڭ وقىتۋشىسى بولىپ قىزمەت اتقارعان اقىن ىقىلاس وجاي ۇلىن، «Qazaqstan» ۇلتتىق ارناسى «تاڭشولپان» اقپاراتتىق- سازدى باعدارلاماسىنىڭ جەتەكشىسى ارگەنتينا جانىبەكتى، جۋرناليستەر ەربول جانات، امانبەك ماعزۇمحان ۇلى، تەلەراديو جانە قوعاممەن بايلانىس كافەدراسىنىڭ ماگيسترانتى ايجان قاتيرانى ەركەگۇل قايرات قىزى جانە باسقالاردى اتاپ ايتساق بولادى. ەۋرازيا ۇلتتىق ۋنيۆەرسيتەتىندە شەتەلدەن كەلگەندەرگە ارنالعان دايىندىق كۋرسىنا كەلىپ تۇسكەن جاستاردىڭ قاتارىندا بايان ولگيي ايماعىنان كەلەتىن شىعارماشىل تالاپكەرلەر كوپ. سونىڭ ءبىرقاتارى جىل سايىن جۋرناليستيكا جانە ساياساتتانۋ فاكۋلتەتىنە وقۋعا تۇسەدى. ل. گۋميلەۆ اتىنداعى ەۋرازيا ۇلتتىق ۋنيۆەرسيتەتى كەلەشەكتە دە مونعوليامەن بايلانىسىن جالعاستىرىپ، مەكتەپ ءبىتىرۋشى تۇلەكتەردى قابىلداۋعا دايىن» دەپ جازادى Kaznews.

قوجا احمەت ياساۋيگە قاتىستى ماڭىزدى قۇجات تابىلدى - TRT

قوجا احمەت ياساۋيدىڭ جيەنى ءجۇسىپ اتانىڭ تاريحىنا قاتىستى شەجىرەنىڭ ءبىر بولىگى مەن ارنايى ءمور باسىلعان قۇجاتتار تابىلدى. قۇجاتتا 13-عاسىردان قالعان تاريحي مالىمەتتەر بار. شاعاتاي تىلىندە جازىلعان شەجىرەنىڭ ۇزىندىعى - 3,5 مەتر. بۇل تۋرالى وسى اپتادا تۇركيا راديو تەليەۆيزيا پورتالى حابارلادى. ايتا كەتۋ كەرەك، قوجا احمەت ءياساۋيدىڭ جيەنى ءجۇسىپ اتانىڭ رۋلىق شەجىرەسى، تاريحي قولجازبالارى جانە ءمور باسىلعان قۇجاتتارى تۇركىستان قالاسىنان تابىلعان بولاتىن.


تۇركيالىق ب ا ق- تىڭ كەلتىرگەن دەرەگىنشە، تاريحي قۇجات ۇرپاقتان-ۇرپاققا جالعاسىپ، ونى قوجا احمەت ءياساۋيدىڭ جيەنى ءجۇسىپ اتانىڭ نەمەرەلەرى ساقتاپ كەلگەن. عاسىرلار بويى قۇپيا بولىپ كەلگەن قۇجات ەندى عانا اشىلعان.

«قۇجاتتا سونىمەن قاتار قوجا احمەت ياساۋي ءومىر سۇرگەن كەزەڭگە جاتاتىن تاريحي شەشىمدەر، جەر اتاۋلارى، شەكارا تۋرالى مالىمەتتەر، ادامداردىڭ ءومىرى مەن كۇندەلىكتى ءومىر تۋرالى اقپارات قامتىلعان. قۇجات «ازىرەت سۇلتان» مەملەكەتتىك تاريحي- مادەني قورىق- مۋزەيىنە جەتكىزىلەدى. سودان كەيىن ونى ساراپشىلار تەكسەرەدى. «ازىرەت سۇلتان» مۇراجايىنىڭ ديرەكتورى نۇربولات احمەتجانوۆ قوجا احمەت ياساۋيگە بايلانىستى زەرتتەۋ جۇمىستارىنىڭ ءارى ەلدە، ءارى شەتەلدە جۇرگىزىلەتىندىگىن مالىمدەدى» دەپ جازادى تۇركيا راديو تەلەۆيزيا پورتالى.

گورگان- اقتاۋ باعىتىندا العاشقى اۋە رەيسى ۇشىرىلدى - فارس

1-ساۋىردە يراننىڭ گورگان قالاسىنان قازاقستاننىڭ اقتاۋ قالاسىنا العاشقى اۋە رەيسى اشىلدى. بۇل باعىتتاعى اۋە رەيستەرى ءتورت ايعا جوسپارلانعان. حالىق بۇل باعىتتى قولداسا، رەيس سانى كوبەيتىلىپ، ۇشاق اپتا سايىن ۇشۋى مۇمكىن، دەپ حابارلايدى يراننىڭ Рarstoday اقپارات اگەنتتىگى.

يراندىق ب ا ق-تىڭ دەرەگىنشە، Kish Air اۋە كومپانياسى گورگان- اقتاۋ باعىتىنداعى اۋە رەيستەرىن اتقارادى. العاشقى ءتورت ايدا رەيس چەرتەرلىك قالىپتا بولماق. اۋە رەيسىن اشۋداعى ماقسات - ساۋدا- ەكونوميكالىق جانە تۋريستىك قارىم-قاتىناستى دامىتۋ بولىپ وتىر.

اۆتور: بەيسەن سۇلتان ۇلى


سوڭعى جاڭالىقتار