مايرا مۇحامەد قىزى حالىقارالىق مۋزىكا سىيلىعىنىڭ لاۋرەاتى اتاندى - فوتو

None
None
ماسكەۋ. قازاقپارات - قازاقستاننىڭ ەڭبەك سىڭىرگەن ءارتىسى، ق ر مەملەكەتتىك سىيلىعىنىڭ لاۋرەاتى، شىمكەنت قالالىق وپەرا جانە بالەت تەاترىنىڭ ديرەكتورى مايرا مۇحامەد قىزى كلاسسيكالىق ونەر سالاسىنداعى «BraVo» سىيلىعىنىڭ يەگەرى اتاندى، دەپ حابارلايدى قازاقپاراتتىڭ مەنشىكتى ءتىلشىسى.

جۇما كۇنى ماسكەۋدەگى ۇلكەن تەاتردىڭ تاريحي ساحناسىندا «BraVo» حالىقارالىق كاسىبي مۋزىكالىق سىيلىعىن تابىستاۋ ءراسىمى ءوتتى. كەشتىڭ باستى وقيعاسى رەتىندە ءتۇرلى ەلدەن كەلگەن لاۋرەاتتارعا التىن سكريپكا كىلتتەرى تابىستالدى. م. مۇحامەد قىزى 15 نوميناتسيا ىشىنەن «ارىپتەس ەلدىڭ ەڭ تانىمال كلاسسيكالىق ورىنداۋشىسى» اتاعىن جەڭىپ الدى.

«BraVo» سىيلىعىنىڭ لاۋرەاتى اتانۋ - مەن ءۇشىن ۇلكەن مارتەبە. مەن رەسەيلىك تاراپقا شىعارماشىلىق قىزمەتىمدى جوعارى باعالاعانى جانە ونەر جۇلدىزدارىنىڭ اراسىندا بولۋعا مۇمكىندىك تۋعىزعانى ءۇشىن العىس ايتامىن»، - دەدى م. مۇحامەد قىزى.

«BraVo» حالىقارالىق كاسىبي مۋزىكالىق سىيلىعى 2017 -جىلى Monte Carlo راديوسى مەن «رۋسسكايا مەدياگرۋپپانىڭ» قولداۋىمەن قۇرىلدى. جەڭىمپازداردى انىقتاۋدىڭ نەگىزگى كريتەريى - كلاسسيكالىق مۋزىكا سالاسىنداعى نومينانتتاردىڭ ورىنداۋشىلىق شەبەرلىگىن كورەرمەندەردىڭ باعالاۋى.


اۆتور: گۇلزات اقجولوۆا

سوڭعى جاڭالىقتار