ءوندىرىستى جاڭعىرتۋ جوبالارىنا گرانت بەرىلمەك
«وزدەرىڭىزگە بەلگىلى، بيىلدان باستاپ ءبىز دۇنيەجۇزىلىك ساۋدا ۇيىمىنىڭ شارتتارىنا بايلانىستى جەرگىلىكتى قامتۋدى دامىتۋ جونىندەگى جۇمىستى قايتا فورماتتاۋىمىز كەرەك. وسىعان بايلانىستى «ەل ىشىندەگى قۇندىلىق» دەگەن جاڭا ۇعىم ەنگىزىلەدى»، - دەيدى يندۋستريا جانە ينفراقۇرىلىمدىق دامۋ مينيسترلىگىنىڭ دەپارتامەنت ديرەكتورى لاۋرا سادىكوۆا.
ۆەدومستۆو وكىلى ونەركاسىپ سالاسىنداعى ساتىپ الۋلاردا ۇلتتىق ستاندارتتاردىڭ قولدانىلۋىن مونيتورينگتەۋ ارقىلى ىشكى سۇرانىستى قامتاماسىز ەتۋ جۇيەسى جاسالاتىنىن اتاپ ءوتتى.
«شيكىزاتتى قايتا وڭدەۋدى تەرەڭدەتۋ ءۇشىن قازاقستان اۋماعىندا وندىرىلمەيتىن شيكىزات پەن جيناقتاۋىشتاردى باجدان بوساتۋدى كوزدەيتىن ستراتەگيالىق ءونىم تىزبەسىن ەنگىزۋ كوزدەلىپ وتىر. جابدىقتاردى جاڭعىرتۋ جانە شىعىنداردى بىرلەسىپ قارجىلاندىرۋ ارقىلى جاڭا ءوندىرىس قۇرۋ ماقساتىندا ونەركاسىپتىك گرانتتى بەكىتۋ كوزدەلگەن. بۇل دا ىنتالاندىرۋدىڭ جاڭا قۇرالى»، - دەدى لاۋرا سادىقوۆا.