اقمولا وبلىسىندا اقىندار ايتىسى ءوتتى

None
None
ەرەيمەنتاۋ. قازاقپارات - ەرەيمەنتاۋ اۋدانىندا ق ر تاۋەلسىزدىگىنىڭ 30 جىلدىعىنا جانە جىر الىبى جامبىلدىڭ تۋعانىنا 175 جىل تولۋىنا وراي «قازاقتىڭ سالت- ءداستۇرى، اتا- بابا مۇراسى» اتتى اقىندار ايتىسى ءوتتى، دەپ حابارلايدى قازاقپارات ءتىلشىسى.

«رۋحاني جاڭعىرۋ» باعدارلاماسىنىڭ «اتا مۇرا - اسىل قازىنا» جوباسى اياسىندا ۇيىمداستىرىلعان مادەني شاراعا ەرەيمەنتاۋ جانە ارشالى اۋداندارىنان 10 ايتىسكەر اقىن قاتىستى.

«بۇل جىر دوداسىندا قابدىجالەل ساحاريا، قازيرا يلان قىزى، امانگەلدى راحيموۆ، دينا رايحان سياقتى الدىڭعى بۋىن تارلانبوز اقىندار، سونداي- اق، ەركىنشىلىك اۋىلدىق مادەنيەت ءۇيىنىڭ اقىنى ەرلان داۋلەت جەتەكشىلىك ەتەتىن «جاس قالام» اقىندار مەكتەبىنىڭ تۇلەكتەرى مەن شاكىرتتەرى باحتيار جەپەنوۆ، جاڭىلجان جولدىمۇرات، ساتتتىبەك سەرىكبولات، قىمبات بورانباي سىندى جاس اقىندار ونەر كورسەتتى. سونىمەن قاتار، ارشالى اۋدانىنىڭ ۇكىلى ءۇمىتى قۇرالحان قۇرمەت ونەر سايىسىن ودان ءارى جانداندىرا ءتۇستى»، - دەيدى اقمولا وبلىستىق مادەنيەت، ارحيۆتەر جانە قۇجاتتامالار باسقارماسىنان.


باس جۇلدەنى قۇرالحان قۇرمەت قانجىعاسىنا بايلادى. ال ءبىرىنشى ورىندى قابدىجالەل ساحاريا (ەركىنشىلىك اۋىلى)، ەكىنشى ورىندى ەرلان داۋلەت (ەركىنشىلىك اۋىلى) جانە باحتيار جەپەنوۆ (ەرەيمەنتاۋ قالاسى) ءوزارا بولىسسە، ءۇشىنشى ورىنعا ەركىنشىلىك اۋىلىنىڭ ونەرلى جاس ايتىسكەرلەرى ساتتىبەك سەرىكبولات پەن جاڭىلجان جولدىمۇرات لايىق دەپ تانىلدى.

ايتىس قورىتىندىسى بويىنشا قاتىسۋشىلار ءتۇرلى اتالىمدار بويىنشا ۇيىمداستىرۋ القاسىنىڭ العىس حاتتارىمەن ماراپاتتالىپ، باعالى سىيلىقتارعا يە بولدى.


سوڭعى جاڭالىقتار