تۇركى كەڭەسىنىڭ بەيرەسمي ءسامميتى: «تۇركىستان دەكلاراتسياسى» قابىلداندى
«كەڭەسىمىزدىڭ مارتەبەسىن ارتتىرىپ، ينستيتۋتسيونالدى قۇرىلىمىن نىعايتۋ ماقساتىندا ونى تولىققاندى ۇيىمعا اينالدىرۋ ۋاقىت تالابى. وسى ۇسىنىستى سامميت قورىتىندىسى بويىنشا قابىلداناتىن «تۇركىستان دەكلاراتسياسىنا» ەنگىزىپ، بەكىتۋدى ۇسىنامىن»، - دەدى قازاقستان پرەزيدەندى قاسىم- جومارت توقايەۆ.
سامميت بارىسىندا مەملەكەت باسشىسى بۇگىنگى تاريحي باسقوسۋدى تۇيىندەي كەلە، تۇتاس تۇركى الەمى ماڭىز زور «تۇركىستان دەكلارتسياسىن» قابىلداۋدى ۇسىندى. قاتىسۋشى تاراپتار ءبىراۋىزدان ورتاق كەلىسىمىن ءبىلدىردى.
«بارشاڭىزدى دەكلاراتسياسىنىڭ قابىلدانۋىمەن قۇتتىقتايمىن. وسىمەن بەيرەسمي ءسامميتتىڭ جۇمىسى اياقتالدى. بىرلىگىمىز جاراسىپ، ناۋرىزدان ناۋرىزعا بىرگە جەتە بەرەيىك»، - دەدى ق ر پرەزيدەنتى.
ايتا كەتەيىك، بەيرەسمي ءسامميتتى مەملەكەت باسشىسى قاسىم- جومارت توقايەۆ اشىپ، جۇرگىزدى. جيىنعا قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆ، تۇركيا پرەزيدەنتى رەجەپ تايپ ەردوعان، ازەربايجان پرەزيدەنتى يلحام اليەۆ، وزبەكستان پرەزيدەنتى شاۆكات ميرزيەيەۆ، قىرعىزستان پرەزيدەنتى سادىر جاپاروۆ، تۇرىكمەنستان پرەزيدەنتى گۋربانگۋلى بەردىمۇحامەدوۆ، ۆەنگريا پرەمەر- ءمينيسترى ۆيكتور وربان، تۇركى تىلدەس مەملەكەتتەردىڭ ىنتىماقتاستىق كەڭەسىنىڭ باس حاتشىسى باعداد امىرەيەۆ قاتىستى.