اقمولا وبلىسىندا ۇشاق قۇلاعانى جايلى اقپارات - جالعان

كوكشەتاۋ. قازاقپارات - اقمولا وبلىسىندا ۇشاقتىڭ قۇلاۋى تۋرالى اقپارات جالعان بولىپ شىقتى، دەپ حابارلايدى قازاقپارات ءتىلشىسى.

اقمولا وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 30-ناۋرىزدا سەلينوگراد اۋداندىق پ ب كەزەكشى بولىمىنە فارفوروۆوە اۋىلىنىڭ 96-رازەزىندە ۇشاق قۇلاپ كەتكەنى تۋرالى تەلەفون حابارلاماسى كەلىپ ءتۇستى.

«تۇسكەن اقپاراتتى تەكسەرۋ ءۇشىن وقيعا ورنىنا جەدەل-تەرگەۋ توبى دەرەۋ شىقتى. وتكىزىلگەن ءىس-شارالار ناتيجەسىندە تسەلينوگراد اۋدانىنىڭ 109 توتەنشە جاعدايلار بولىمىنە ىنتىماق اۋىلىنىڭ 34 جاستاعى تۇرعىنى تەلەفون ارقىلى حابارلاسىپ، 96-رازەز ماڭىندا ۇشاق قۇلاعانىن جانە ءتۇتىن شىعىپ جاتقانىن ايتتى»، - دەدى ۆەدومستۆودان.

پوليتسيا قىزمەتكەرلەرى ءىس جۇزىندە بولعان وقيعا تۋرالى جۇبايى ايتىپ بەرگەنىن انىقتادى، وعان ءوز كەزەگىندە اۋداننىڭ ورتا مەكتەپتەرىنىڭ بىرىندە وت جاعۋشى بولىپ جۇمىس ىستەيتىن ارىپتەسى ۇشاقتىڭ قۇلاعانى تۋرالى حابارلاپتى.

الايدا تەكسەرۋ كەزىندە تەلەفون حابارلاماسىندا كورسەتىلگەن اقپارات راستالمادى.