ك ۆ ي بويىنشا جاعدايى اۋىر ناۋقاستاردىڭ سانى ارتتى - الەكسەي سوي

نۇر- سۇلتان. قازاقپارات – ك ۆ ي بويىنشا جاعدايى اۋىر ناۋقاستاردىڭ سانى ارتتى. بۇل تۋرالى دەنساۋلىق ساقتاۋ ءمينيسترى الەكسەي سوي ءمالىم ەتتى، دەپ حابارلايدى قازاقپارات ءتىلشىسى.

«28-اقپانمەن سالىستىرعاندا، 30-ناۋرىزداعى كورسەتكىش بويىنشا جاعدايى اۋىر ناۋقاستاردىڭ سانى 32 پايىزعا ارتىپ، 440 ادامدى قۇرادى»،-دەدى مينيستر ورتالىق كوممۋنيكاتسيالار قىزمەتىندە.

ونىڭ ايتۋىنشا، ناۋرىز ايىنان باستاپ حالىقتى تەستىلەۋدەن وتكىزۋ كولەمى تاۋلىگىنە 49 مىڭ زەرتتەۋگە دەيىن ارتتى. اقپان ايىندا تاۋلىگىنە 38 مىڭعا دەيىن زەرتتەۋ جۇرگىزىلدى. تەستىلەۋدەن وتكىزۋدىڭ تاۋلىكتىك قۋاتى 113 مىڭ زەرتتەۋدى قۇرايدى. بۇدان بۇرىن حابارلانعانداي، الەكسەي سوي سوڭعى 2 اپتادا الماتى، نۇر- سۇلتان، شىمكەنت قالالارىندا، اقتوبە، الماتى وبلىستارىندا ناۋقاس سانى ارتىپ، جالپى ك ۆ ي جۇقتىرعاندار 1,5 ەسە وسكەنىن ايتتى.

«حالىق اراسىندا ۆيرۋستىڭ قاۋىپتىلىگىنە سەنبەيتىن ادامدار بار، ولار ۇيلەنۋ تويلارىن، بانكەتتەردى جەكە ۇيلەر مەن كوتتەدجدەردە وتكىزۋدى جالعاستىرىپ كەلەدى»،-دەدى مينيستر.