قىزىلوردادا سوڭعى اپتادا كوروناۆيرۋس جۇقتىرعان ادامدار سانى ارتتى
بۇگىنگە دەيىن وڭىردە قاتەرلى ىندەتكە شالدىققان 4007 ادام تىركەلگەن. ولاردىڭ ىشىندە 3890 ناۋقاس دەرتىنەن جازىلىپ شىقتى. قازىر ءوڭىر ەپيداحۋال بويىنشا جاسىل ايماقتا تۇر.
دەگەنمەن، سوڭعى اپتادا وبلىستا ونى جۇقتىرۋ دەرەگى كوبەيە تۇسكەن. اسىرەسە، مەيرام كۇندەرىنەن كەيىن كوروناۆيرۋس ينفەكتسياسىن جۇقتىرعان تۇرعىندار سانى ارتقان.
«وتكەن تاۋلىكتىڭ وزىندە 13 ادامعا وسىنداي دياگنوز قويىلدى. ونىڭ ىشىندە 7 ءى قىزىلوردا قالاسىندا تۇراتىن بولسا، اۋداندار بويىنشا جاڭاقورعاندا - 4، جالاعاش پەن ارالدا - ءبىر-ءبىر جاعدايدان تىركەلدى. ولاردىڭ ىشىندە 7 ءى سيمپتومسىز بولسا، قالعانىندا اۋرۋ بەلگىلەرى بايقالعان»، - دەپ ءمالىم ەتتى قىزىلوردا وبلىسى سانيتارلىق-ەپيدەميولوگيالىق باقىلاۋ دەپارتامەنتىنىڭ باسپا ءسوز حاتشىسى ايمان جاناحايەۆا.
ايتا كەتەيىك، قىزىلوردادا وقۋشىلار ءتورتىنشى توقساندا ءداستۇرلى فورماتتا وقيدى.