رەال مادريد كلۋبى قازاقستاندىق سۋرەتشىنىڭ تۋىندىسىن جاريالادى
وسىدان بىرنەشە كۇن بۇرىن يسپاندىق كلۋبتىڭ Instagram پاراقشاسىندا فۋتبولشىلاردىڭ جاسىل الاڭداعى ساتتەرى بەينەلەنگەن 9 سۋرەت جاريالانىپ، جانكۇيەرلەردەن سول سۋرەتتەردى تىڭ بەينەدە رەداكسيالاۋ ۇسىنىلعان ەدى.
كوڭىلدەن شىققان تۋىندى #RMEditChallenge تەگىمەن كلۋبتىڭ Instagram پاراقشاسىندا جاريالاناتىندىعى دا ايتىلعان بولاتىن. وسىدان كەيىن قازاقستاندىق سۋرەتشى قانات نۇرتازين كلۋب كاپيتانى سەرحيو راموستىڭ سۋرەتىن جاپىراق بەتىنە ءتۇسىرۋ بارىسىن ۆيدەوعا تاسپالاپ، Instagram پاراقشاسىندا جاريالادى. ءسالى كەيىنىرەك ۆيدەو «رەال مادريد» فۋتبول كلۋبىنىڭ Instagram-ىندا ورنالاستىرىلدى.
«بۇل جولى @realmadrid جۇمىسىمدى ەسكەرەر دەپ ۇمىتتەنەمىن»، - دەپ جازعان ەدى قانات نۇرتازين.
«قازاقستاننىڭ 100 جاڭا ەسىمى» جوباسى جەڭىمپازىنىڭ ءبىرى قانات نۇرتازين 70 كە جۋىق سۋرەت سالۋ ءادىسىن يگەرگەن. ول جاپىراققا، كارتونعا، الماعا سۋرەت سالۋدىڭ شەبەرى، فۋد ارت، پوينتيليزم ونەرىن مەڭگەرگەن، كوفە، ءجىپ، شەگەدەن نەشە ءتۇرلى تۋىندىلار جاسايدى، گرافيكا، stop-motion, ينستاللياتسيا، شىنايى تولىقتىرىلعان فوتو، سكەتچينگ، حالفتون، تىگىن گارنيتۋراسىنان جانە باسقا جۇمىستار دايىندايدى.
اۆتور: مارلان جيەمباي