ءانشى قايرات نۇرتاسقا كارانتين تالابىن بۇزعانى ءۇشىن ايىپپۇل سالىندى - ۆيدەو

الماتى. قازاقپارات - ءانشى قايرات نۇرتاس كارانتين رەجيمىن بۇزعانى ءۇشىن اكىمشىلىك جاۋاپقا تارتىلدى، دەپ حابارلايدى قازاقپارات ءتىلشىسى.

الماتى قالاسى سانيتارلىق- ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ءسادۋاقاس بايعابۇلوۆتىڭ ايتۋىنشا، انشىگە 30 ا ە ك، ياعني 87510 تەڭگە ايىپپۇل سالىندى. «الماتى قالاسىنداعى رەيد بارىسىندا مونيتورينگتىك توپ ويىن-ساۋىق مەكەمەلەرىنىڭ بىرىندە 80 نەن استام ادامنىڭ قاتىسۋىمەن ءوتىپ جاتقان تۋعان كۇندى انىقتادى. كەلۋشىلەر اراسىندا قايرات نۇرتاس تا بولدى، ول دا باسقالارمەن بىرگە اكىمشىلىك قۇقىق بۇزۋشىلىق تۋرالى حاتتاما جاساۋ ءۇشىن پوليتسيا باسقارماسىنا جەتكىزىلدى. بارلىعىنا 30 ا ە ك كولەمىندە ايىپپۇل سالىندى»، - دەپ اتاپ ءوتتى ءسادۋاقاس بايعابۇلوۆ.

بۇعان دەيىن، ءانشىنىڭ الماتىدا جاسىرىن وتكىزىلگەن تويدا بولعانى تۋرالى جازعان بولاتىنبىز.

اۆتور: الما مۇقانوۆا