+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

الماتىدا قار كوشكىنى قاۋپى ساقتالادى

26 ناۋرىز 12:59
:ءبولىسۋ
الماتىدا قار كوشكىنى قاۋپى ساقتالادى

الماتى. قازاقپارات - قار كوشكىنىنىڭ ءجۇرۋ قاۋپىنە بايلانىستى تاۋ بوكتەرلەرىنە شىعۋعا تىيىم سالىنادى.

الماتىدا اۋا رايىنا بايلانىستى ەسكەرتۋ جاريالاندى، دەپ حابارلايدى قازاقپارات ءتىلشىسى توتەنشە جاعدايلار دەپارتامەنتىنىڭ باسپا ءسوز قىزمەتىنە سىلتەمە جاساپ.

دەپارتامەنت تاراتقان مالىمەتتەرگە قاراعاندا، جىلىمىقتىڭ اياسىندا جاۋىن-شاشىننىڭ تۇسۋىنە جانە قار جامىلعىسىنىڭ تۇراقسىزدىعى مەن بيىكتىگىنىڭ جوعارى بولۋىنا بايلانىستى ۇلكەن جانە كىشى الماتى سۋ الابتارىندا 26-27- ناۋرىز ارالىعىندا قار كوشكىنى قاۋپى ساقتالادى.

«كوشكىن ءجۇرۋ قاۋپى مۇمكىن بولۋىنا بايلانىستى، قارلى تىك جارتاستارعا شىعۋعا بولمايدى. تاۋدا اباي بولىڭىزدار»، - دەلىنگەن ۆەدومستۆانىڭ حابارلاماسىندا.

بۇعان دەيىن، قازگيدرومەت 26- ناۋرىز كۇنگى اۋا رايى بولجامىن جاريالاعان بولاتىن. رەسپۋبليكانىڭ كەي جەرلەرىندە تۇمان، كوكتايعاق بولىپ، جەل كۇشەيەدى، سولتۇستىك-شىعىس، ورتالىق پەن شىعىستا - جاياۋ بۇرقاسىن سوعىپ، وڭتۇستىك-باتىستا، وڭتۇستىكتە جانە وڭتۇستىك-شىعىستا نايزاعاي وينايدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات