شىعىس قازاقستاندا سالىناتىن ماي زاۋىتىنىڭ ونىمدەرى شەتەلگە ەكسپورتتالماق

وسكەمەن. قازاقپارات - شىعىس قازاقستان وبلىسىندا مايلى داقىلداردى وڭدەيتىن زاۋىت سالىنۋدا، دەپ حابارلايدى قازاقپارات ءتىلشىسى.

جاڭا زاۋىت كۇن سايىن 1000 توننادان استام كۇنباعىس مايىن شىعاراتىن بولادى. ونىمدەر قىتاي، وزبەكستان، تاجىكستان، يران، ءۇندىستان، پاكىستان، اۋعانستان، تۇركيا جانە ەۋرووداق ەلدەرىنە ەكسپورتتالاتىن بولادى.

«زاۋىتتىڭ قۇرىلىسى 2019-جىلدىڭ ناۋرىز ايىندا باستالعان. «اگرارلىق نەسيە كورپوراتسياسى» ا ق- نىڭ 5,8 ميلليارد تەڭگە كولەمىندەگى قارجىلاندىرۋىنىڭ ارقاسىندا ماي زاۋىتىنا قىسقا مەرزىمدە قاجەتتى قۇرال-جابدىقتار ساتىپ الىندى. قۇرىلىس تولىق اياقتالىپ، كاسىپورىن ىسكە قوسىلعاننان كەيىن 200 دەن استام ادام جۇمىسقا تارتىلماق»، - دەيدى «QAZAQ ASTYQ GROUP» ج ش س ديرەكتورىنىڭ ورىنباسارى التىنبەك نۇرات ۇلى.

دايىن ءونىمنىڭ ساپاسىن قامتاماسىز ەتۋ ءۇشىن باسقارۋشى لاۋازىمدارعا ۋكراينادان تاجىريبەلى ماماندار شاقىرىلعان. ماي زاۋىتىندا شىعارىلاتىن دايىن ءونىمنىڭ %90 دان استامى سىرتقى نارىققا جىبەرىلەدى.

قازىرگى ۋاقىتتا شەت مەملەكەتتەرمەن كەلىسىمشارت جاساسۋ بويىنشا كەلىسسوز جۇرگىزىلىپ جاتىر.

سونداي-اق تازارتىلعان ماي قۇيۋ تسەحىن پايدالانۋعا بەرۋ جوسپارلانعان.

ايتا كەتەيىك، كۇنباعىس مايىن ەكسپورتتاۋدى «QAZAQ- ASTYQ GROUP» ج ش س- عا «قازاقستان دامۋ بانكى» ا ق قارجىلاندىرعان. ءۇش جىل مەرزىمگە بەرىلگەن نەسيە كولەمى 4,4 ميلليارد تەڭگەنى قۇراپ وتىر.

ەستەرىڭىزگە سالا كەتسەك، وسىعان دەيىن سەمەيدە ماي زاۋىتى سالىنىپ جاتقانى حابارلانعان.