جاڭا قاۋلى: ءتورتىنشى توقساندا وقۋشىلار قالاي وقيدى؟
بۇل تۋرالى ق ر باس مەملەكەتتىك سانيتارلىق دارىگەرىنىڭ جاڭا قاۋلىسىندا ايتىلعان، دەپ حابارلايدى قازاقپارات.
جاڭا قاۋلىعا سايكەس «2020-2021 وقۋ جىلىنىڭ ءتورتىنشى توقسانىندا:
- رەسپۋبليكانىڭ بارلىق وڭىرلەرىندە: كونتينگەنتى 300 وقۋشىعا دەيىن قالالىق جانە اۋىلدىق مەكتەپتەردە سىنىپتارداعى بالالار سانىن 25 ادامنان اسىرماي ءداستۇرلى فورماتتا وقىتۋعا؛
ءبىلىم بەرۋ ۇيىمى اكىمشىلىگىنىڭ شەشىمى بويىنشا ساباقتان تىس ۋاقىتتا 15 ادامنان اسپايتىن توپتاردا وقۋشىلاردى جەكە وقىتۋعا؛
- تاۋەكەلى تومەن جانە ورتاشا ايماقتاردا (جاسىل جانە سارى ايماقتار) ورنالاسقان وڭىرلەردەگى جالپى ءبىلىم بەرەتىن مەكتەپتەردە بارلىق سىنىپتاردىڭ وقۋشىلارى ءۇشىن سىنىپتارداعى بالالار سانىن 25 ادامنان اسىرماي ارالاس فورماتتا وقىتۋعا؛
- تاۋەكەلى جوعارى ايماقتا (قىزىل ايماق) ورنالاسقان وڭىرلەردە: جالپى ءبىلىم بەرەتىن مەكتەپتەردە 1- سىنىپتان باستاپ 5- سىنىپتى قوسا العاندا، حالىقارالىق مەكتەپتەردە 1- سىنىپتان باستاپ 7- سىنىپتى قوسا العاندا، مەكتەپ الدى سىنىپتارىنىڭ وقۋشىلارى ءۇشىن سىنىپتارداعى بالالار سانىن 25 ادامنان اسىرماي ارالاس فورماتتا وقىتۋعا؛
وقۋ بىتىرەتىن سىنىپتار (9، 11 (12) سىنىپتار ) ءۇشىن اپتانىڭ 6 كۇنى ىشىندە:
پاندەردىڭ %70 شتاتتىق رەجيمدە، %30 قاشىقتىقتان ارالاس فورماتتا وقىتۋعا رۇقسات ەتىلمەك؛
قاۋلىنىڭ تولىق ءماتىنىن مىنا جەردەن وقۋعا بولادى.
ايتا كەتسەك، مەكتەپ وقۋشىلارىنىڭ كوكتەمگى دەمالىسى 20-31- ناۋرىز ارالىعىندا - 12 كۇنگە سوزىلادى. 4-توقسان ساباعى 1- ساۋىردە باستالادى.