پرەزيدەنت تاپسىرماسى: بۇقتىرماداعى كوپىر قۇرىلىسى قالاي جۇرگىزىلۋدە

None
None
وسكەمەن. قازاقپارات - شىعىس قازاقستان وبلىسىندا بۇقتىرما سۋ قويماسى ارقىلى وتەتىن كوپىر قۇرىلىسى جۇرگىزىلىپ جاتىر، دەپ حابارلايدى قازاقپارات ءتىلشىسى.

پرەزيدەنت قاسىم-جومارت توقايەۆتىڭ تاپسىرماسىمەن شىعىس قازاقستانداعى كۇرشىم مەن كوكپەكتى اۋداندارىن جالعايتىن «قىزىل تۋ» وتكەلىنە كوپىر سالىناتىنى بەلگىلى.

بيىل وسى ماقساتتا وبلىستىق بيۋدجەتتەن 1 ميلليارد تەڭگە بولىنگەن بولاتىن.

«بۇگىنگى تاڭدا ارنايى تەحنيكالارعا ارنالعان جول توسەلگەن. دانەكەرلەۋ جانە باسقا دا جۇمىستاردى ۇزدىكسىز اتقارۋ ءۇشىن باعاندار ورناتىلىپ، ەلەكتر جەلىسى تارتىلدى. اۋىر جۇك تەحنيكالارىمەن جاعالاۋداعى ارالعا توپىراق تاسۋ جۇمىستارى جۇرگىزىلىپ جاتىر. سۋعا ارنالعان سكۆاجينالار بۇرعىلانىپ، اۋىزسۋمەن قامتىلعان. كوپىر سالۋ بويىنشا جۇمىستار بەكىتىلگەن جوسپارعا سايكەس اتقارىلاتىن بولادى»، - دەپ حابارلادى كۇرشىم اۋدانىنىڭ اكىمدىگى.

سونداي-اق، كوپىر قۇرىلىسىن جۇرگىزەتىن جۇمىسشىلار ءۇشىن 250 ورىندىق جاتاقحانا قالاشىعىنىڭ قۇرىلىسى باستالعان. قازىردە عيماراتتىڭ قاڭقاسى قالانىپ قويدى.

ايتا كەتەيىك، كوپىر قۇرىلىسى بويىنشا وتكەن كونكۋرستىڭ جەڭىمپازى بولىپ «و ب ل شىعىس جول» كومپانياسى اتانعان بولاتىن. بۇعان دەيىن دە بۇقتىرماعا كوپىر سالۋ بويىنشا پرەزيدەنت تاپسىرماسى قالاي ورىندالىپ جاتقانى تۋرالى جازعان بولاتىنبىز.

سوڭعى جاڭالىقتار