ق ر ۇلتتىق قاۋىپسىزدىك كوميتەتى ترانسۇلتتىق ۇيىمداسقان قىلمىستىق توپتىڭ جولىن كەستى
بۇل تۋرالى قازاقپارات ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ حابارلايدى.
تەكسەرۋ بارىسىندا 2020 -جىلعى قازان- قاراشادا باۋكەسپەلەر اقتوبە قالاسىنا بەلارۋس جانە قازاقستان كاسىپكەرلەرىن الداپ شاقىرىپ، پسيحولوگيالىق جانە كۇش كورسەتۋ ارقىلى بيزنەسمەندەردىڭ 87 ميلليون تەڭگە مولشەرىندەگى اقشالاي قاراجاتىن يەلەنگەنى انىقتالدى. بۇدان ءارى، 2021 -جىلعى اقپاندا ماسكەۋ قالاسىنان بيزنەسمەندى - ءىرى ينۆەستيتسيالىق كومپانيانىڭ باسشىسىن اقتوبە قالاسىنا شاقىرىپ، وسىعان ۇقساس جولمەن 500 مىڭ ا ق ش دوللارىن يەمدەنۋدى جوسپارلاعان.
ناتيجەسىندە، توپ جەتەكشىسى - قازاقستان ازاماتى جانە 4 بەلسەندى مۇشەسى - رەسەي فەدەراتسياسىنىڭ ازاماتتارى ۇستالدى. ءتىنتۋ بارىسىندا 3 كالاشنيكوۆ اۆتوماتى، ەلەكترشوكەرلەر، بەتپەردەلەر، بانك كارتالارى، ۇيالى تەلەفوندار مەن قىلمىس جاساۋدىڭ باسقا دا قۇرالدار- جابدىقتارى تابىلىپ، الىندى.
ترانسۇلتتىق ۇيىمداسقان قىلمىستىق توپ مۇشەلەرىنە قاتىستى قاماۋعا الۋ بۇلتارتپاۋ شاراسى قولدانىلدى. قازاقستان رەسپۋبليكاسىنىڭ قىلمىستىق كودەكسىنىڭ 264-بابى بويىنشا قىلمىستىق ءىس قوزعالدى.