مۇعالىمدەردى كۋرستاردان وتكىزۋ جالعاسادى - ءبىلىم ءمينيسترى
«بيىلعى وقۋ جىلى قاشىقتان وقىتۋ فورماتىندا ءوتىپ جاتىر. وقۋ پروتسەسىن اتالعان فورماتتا وتكىزۋ بويىنشا ماقساتتى جۇمىس جۇرگىزىلىپ وتىر. قاشىقتان وقىتۋ جاعدايىندا وقۋشىلار مەن مۇعالىمدەر قاجەت كومپيۋتەرلىك تەحنيكامەن ەتكەن قامتاماسىز ەتىلدى. بۇل باعىتتا ۇكىمەتتىڭ رەزەرۆىنەن دە، جەرگىلىكتى بيۋدجەتتەن دە قاراجات ءبولىنىپ، سونىڭ ارقاسىندا اۋقىمدى كولەمدە كومپيۋتەر ساتىپ الىندى جانە بالالارعا تاراتىلدى. دەگەنمەن ونلاين جۇيەنى ءالى دە جەتىلدىرىمىز كەرەك»، - دەدى ا. ايماعامبەتوۆ.
وسى ورايدا مينيستر ونلاين پلاتفورمالار جەتكىلىكسىز ەكەنىن ايتا كەلە، سوندىقتان بۇل باعىتتى دامىتۋدىڭ جولدارى قاراستىرىلىپ وتىرعانىن ايتتى.
«تاعى ءبىر ماسەلە - ول مۇعالىمدەردى كۋرستاردان وتكىزۋ. بارلىق پەداگوگتاردى قىسقا مەرزىمدى كۋرستاردان وتكىزدىك. بۇل باعىتتاعى قادامدار جالعاساتىن بولادى. جالپى پەداگوگيكالىق ۋنيۆەرسيتەتتەردە پەداگوگ مامانداردى دايىنداعاندا وسى مىندەتتى ءپاندى، مىندەتتى ءمودۋلدى ەنگىزەمىز. بىلىكتىلىكتى ارتتىرۋ كۋرستارىندا دا وسى ماسەلە بويىنشا ءتيىستى ءمودۋلدى قوسامىز»، - دەدى ۆەدومستۆو باسشىسى.
بۇدان بۇرىن حابارلانعانداي، مينيستر پەداگوگتاردى ءتان ەمەس قىزمەتتەرگە ءارى كوزدەلمەگەن ەسەپتەرگە تارتۋدان بوساتۋ شارالارى قابىلدانعانىن ايتتى.
ايتا كەتەيىك، پەداگوگ ماماندىعىن تاڭداعان «التىن بەلگى» يەگەرلەرى ەكى ەسەگە جۋىق ۇلعايدى.