قىتاي ەلشىسى تۋىستارىمەن قاۋىشۋ تۋرالى قازاقستاندىقتاردىڭ وتىنىشىنە جاۋاپ بەردى

نۇر-سۇلتان. قازاقپارات - قازاقستان سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆ قىتاي حالىق رەسپۋبليكاسىنىڭ ەلشىسى جاڭ شياومەن كەزدەسۋىندە قوس ەل قاتىناستارىنىڭ وزەكتى ماسەلەلەرىن تالقىلادى، دەپ حابارلايدى قازاقپارات.

ق ر س ءى م- نەن ءمالىم ەتكەندەي، كەزدەسۋ بارىسىندا ماڭىزدى تاقىرىپتار كوتەرىلدى. اتاپ ايتقاندا، ق ح ر- دا تۇراتىن تۋىستارىمەن قايتا قوسىلۋلارىنا جاردەمدەسۋ تۋرالى قازاقستان ازاماتتارىنىڭ وتىنىشتەرى تالقىلاندى.

«ەلشى جاڭ شياو ءوتىنىش بىلدىرگەندەردىڭ تۋىستارى ق ح ر ازاماتتارى ەكەنىن جانە ەل زاڭناماسىن بۇزۋىنا وراي جازالارىن وتەپ جاتقانىن حابارلادى. كەزدەسۋ قورىتىندىسى بويىنشا تاراپتار حالىقارالىق قۇقىق قاعيداتتارىنا سايكەس كونسۋلدىق قىزمەتتەر جەلىسى بويىنشا بىرلەسكەن جۇمىستى جالعاستىرۋعا كەلىستى»، - دەدى ق ر سىرتقى ىستەر مينيسترلىگىنەن.