اسحات ايماعامبەتوۆ دارىندى بالالاردى قولداۋ قادامدارى تۋرالى ايتتى

None
None
نۇر-سۇلتان. قازاقپارات - «مىڭ بالا» جوباسىن ىسكە اسىرۋ جالعاستىرىلادى.

بۇل تۋرالى ءبىلىم جانە عىلىم مينيسترلىگىنىڭ القا ماجىلىسىندە ۆەدومستۆو باسشىسى اسحات ايماعامبەتوۆ ءمالىم ەتتى، دەپ حابارلايدى قازاقپارات ءتىلشىسى.

«2020 -جىلى ەلىمىزدىڭ دارىندى بالالارى حالىقارالىق وليمپيادالار مەن عىلىمي جارىستاردا 437 مەدال جەڭىپ الدى. اۋىلدىق جەرلەردەگى دارىندى بالالاردى انىقتاۋ جانە قولداۋ جونىندەگى «مىڭ بالا» جوباسىن ىسكە اسىرۋ جالعاستىرىلادى. ول وتە جاقسى ناتيجەسىن كورسەتىپ وتىر»، - دەدى مينيستر. وسى ورايدا ول دارىندى بالالاردى قولداۋ جۇمىستارىن كەشەندى تۇردە جالعاستىرۋ كەرەكتىگىن اتاپ ءوتتى.

«بۇل تۇرعىدا «مىڭ بالا» جوباسى، رەسپۋبليكالىق ءارى پرەزيدەنتتىك وليمپيادالاردىڭ جاڭا ۇلگىلەرى ەنگىزىلەدى. وعان جاقىندا قابىلدانعان زاڭنىڭ اياسىندا قوسىمشا ءبىلىم الۋعا كەڭ مۇمكىندىك بەرۋى ءۇشىن مەملەكەتتىك تاپسىرىس ورنالاستىرىلادى. مۇندا دا كونكۋرس نەگىزىندە وتەدى جانە جەكەمەنشىك ۇيىمدارعا ورنالاستىرىلعاننان كەيىن، قوسىمشا بىلىممەن قامتۋ دەڭگەيىن الدەقايدا ۇلعايتۋعا مۇمكىندىك بەرەتىنى ءسوزسىز»، - دەدى ا. ايماعامبەتوۆ.

ءمينيستردىڭ اتاپ وتۋىنشە، وڭىرلەردە وسىنداي ۇيىمداردى دامىتۋ كەرەك. بۇدان بۇرىن حابارلانعانداي، ۆەدومستۆو باسشىسى بالالاردىڭ قاۋىپسىزدىگىن قامتاماسىز ەتۋ ماقساتىندا بارلىق وڭىردە مەكتەپتەردى بەينەباقىلاۋ جۇيەسىمەن 100 پايىز، جىلى اجەتحانالارمەن 99 پايىز قامتاماسىز ەتىلگەنىر ايتتى.

اۆتور: رۋسلان عابباسوۆ


سوڭعى جاڭالىقتار