اقمولا وبلىسىندا رەسپۋبليكالىق ماڭىزى بار بارلىق اۆتوجول اقىلى بولادى

كوكشەتاۋ. قازاقپارات - «قازاۆتوجول» ۇ ك» اق اقمولا وبلىسىندا وتكەن قوعامدىق تىڭداۋدا وڭىردەگى اۆتوجولدار قاشان اقىلى بولاتىنىن ءمالىم ەتتى، دەپ حابارلايدى قازاقپارات.

اقمولا ءوڭىرى ارقىلى رەسپۋبليكالىق ماڭىزى بار 4 اۆتوموبيل جولى وتەدى. ولاردىڭ ەكەۋى - نۇر-سۇلتان-شۋچينسك جانە نۇر-سۇلتان-قاراعاندى ۋچاسكەسى بۇرىننان اقىلى. بيىل اقمولا وبلىسىنداعى قالعان 2 تراسسادا - نۇر-سۇلتان-پاۆلودار جانە نۇر-سۇلتان-قوستاناي ۋچاسكەسىندە اقى الۋدىڭ اشىق جۇيەسى ەنگىزىلەتىن بولادى.

ەلوردادان ەلىمىزدىڭ شىعىسىنا قاراي شىعاتىن جۇردەك جول ءتورت جولاقتى بولسا، م-36 جولىنىڭ قوستانايعا دەيىنگى جالعاسى ەكى جولاقتى بولىپ قالا بەرەدى. بۇل - كولىك قوزعالىسىنىڭ قارقىندىلىعىنا بايلانىستى. مەملەكەتتىك ستاندارت بويىنشا كوپجولاقتى تاسجول تاۋلىگىنە 7 مىڭنان استام اۆتوكولىكتەن اسقان كەزدە عانا سالىنادى، قوستانايعا اپاراتىن كۇرە جولداعى كولىك ىلەگى ازىرشە 5 مىڭنان تومەن.

نۇر-سۇلتان- پاۆلودار تاسجولىنىڭ ۇزىندىعى - 396 ك م. اقىلى اۆتوجول ۋچاسكەسى پاۆلودار، ەكىباستۇز، اقسۋ قالالارى مەن ەرەيمەنتاۋ اۋدانى ارقىلى وتەدى. مۇندا 7 باقىلاۋ اركاسى ورناتىلعان. جول 1 تەحنيكالىق ساناتقا جاتاتىندىقتان، ونداعى رۇقسات ەتىلگەن قوزعالىس جىلدامدىعى ساعاتىنا 140 ك م قۇرايدى.

نۇر-سۇلتان-قوستاناي جولىنىڭ ۇزىندىعى - 650 ك م. اتالمىش اقىلى ۋچاسكەدە 9 اركا ورناتىلىپ، ولار وسى كوكتەمدە تەستىلىك رەجيمدە جۇمىس ىستەي باستايدى.

ايتا كەتسەك، بۇل جولدا جەڭىل اۆتوكولىك يەلەرى جول ءجۇرۋ اقىسىن تولەمەيدى، ويتكەنى ۋچاسكە 2 جانە 3 ساناتتاعى جولدار. قوعامدىق تىڭداۋلار بارىسىندا جەرگىلىكتى تۇرعىنداردان «بالاما جولدار قاراستىرىلعان با؟» دەگەن سۇراق ءجيى قويىلدى.

«قازاۆتوجول» وكىلدەرى: «كەيبىر وڭىرلەردە اقىلى باعىتتارمەن قاتار تەگىن مارشرۋتتار بار، الايدا قازاقستاندا جاڭا بالاما جولدار سالىنبايدى. سەبەبى «اۆتوموبيل جولدارى تۋرالى« زاڭدا مۇنداي مىندەتتەمەلەر قاراستىرىلماعان»، - دەپ اتاپ ءوتتى.

باسقا وڭىرلەردەگىدەي اقمولا وبلىسىنىڭ تۇرعىندارى «قازاۆتوجول» ۇ ك» ا ق- عا اقىلى تراسسالاردا جارىق ورناتۋ، جول بويىنداعى قورشاۋلاردى جاقسارتۋ، جول ۇستىنە توسقاۋىلداردى ورناتۋ، ساپالى قار ۇستايتىن جانە تراسسالاردا قاردى ۋاقىتىلى تازالاۋ تۋرالى تالاپتارىن قويدى.

سونىمەن قاتار، اۋىل شارۋاشىلىعى تەحنيكاسىن، كوممۋنالدىق قىزمەت كولىكتەرىن جانە جەرگىلىكتى كاسىپكەرلەردى جولاقى تولەۋدەن بوساتۋ ۇسىنىلدى. تۇرعىندار تاراپىنان تىڭ يدەيالار دا ايتىلدى:

اقىلى جول وتەتىن ءاربىر ەلدى مەكەندە اپاتتىق نەمەسە قاۋىپتى جاعدايلار تۋرالى ەسكەرتۋ ءۇشىن ءار 20-30 ك م سايىن ەلەكتروندى تابلو قويۋ، جىلى ايالدامالار مەن جەرۇستى جاياۋ جۇرگىنشىلەر وتكەلدەرىن ورناتۋ، اقىلى ۋچاسكەلەرگە قىزمەت كورسەتۋدى باسەكەلەس ورتاعا بەرۋ، سەمەي يادرولىق پوليگونىنان زارداپ شەككەن ازماتتاردى، كوپبالالى انالاردى تولەم تولەۋدەن بوساتۋ.

ايتا كەتەيىك، 2021-جىلى مەملەكەت 5,8 مىڭ ك م جولدا اقىلى جول ەنگىزۋدى جوسپارلاپ وتىر. نەگىزگى ماقسات - قاۋىپسىزدىكتى ارتتىرۋ جانە رەسپۋبليكالىق اۆتوجولداردى كۇتىپ-ۇستاۋعا ارنالعان بيۋجەت شىعىستارىن قىسقارتۋ.