«ۇركەر» مەن «تۇمار» سىيلىقتارىنا «شەتەلدەگى قازاق ءتىلدى ب ا ق» نوميناتسياسىن قوسۋ ۇسىنىلدى

نۇر- سۇلتان. قازاقپارات - «وتانداستار قورى» ك ە ا ق ۆيتسە- پرەزيدەنتى ماعاۋيا سارباسوۆ شەتەلدەگى قازاق ءتىلدى ب ا ق- تى قولداۋ ماسەلەلەرىن كوتەردى، دەپ حابارلايدى قازاقپارات ءتىلشىسى.

«ق ر اقپارات جانە قوعامدىق دامۋ مينيسترلىگى ارقىلى ەلىمىزدە جىل سايىن ۇيىمداستىرىلاتىن «ۇركەر» ۇلتتىق سىيلىعى مەن «تۇمار» ۇلتتىق تەلەۆيزيالىق سىيلىعىنا شەتەلدەگى قازاقءتىلدى ب ا ق- قا ارنالعان جەكە نوميناتسيا تاعايىنداۋدى ۇسىنامىز. بىلتىر «وتانداستار قورىنىڭ» ۇسىنىسىمەن «ۇركەر» سىيلىعى اياسىندا «قازاقپاراتتىڭ» 100 جىلدىعىنا ارنالعان 1 ميلليون تەڭگەلىك سىيلىق موڭعولياداعى «Кaznews.mn» سايتىنا بەرىلدى. ەندى وسى ۇلتتىق سىيلىقتاردىڭ ءبىر نوميناتسياسى جىل سايىن تۇراقتى تۇردە شەتەلدەگى قازاق ءتىلدى ب ا ق وكىلدەرىنە بەرىلىپ وتىرۋىن سۇرايمىز»، - دەدى م. سارباسوۆ وتانداستار قورى جانىنداعى قوعامدىق كوميسسيا وتىرىسىندا.

سونىمەن بىرگە 2021 -جىلى شەتەلدەگى قازاق ءتىلدى ب ا ق- تىڭ بىرلەستىگى قۇرىلماق. وسى بىرلەستىك ارقىلى جىلىنا ءبىر رەت الەمدەگى قازاق ءتىلدى ب ا ق وكىلدەرىنىڭ پلەنارلىق وتىرىسىن وتكىزىپ، وزەكتى ماسەلەلەردى تالقىلاپ، ءوزارا تاجىريبە مەن اقپاراتتىق ونىمدەر الماسۋ ۇسىنىلدى.

«اقپارات كوميتەتىنىڭ مالىمەتىنشە، «Qazaq TV» تەلەارناسى 120 ەلدەگى سپۋتنيكتىك جانە كابەلدى تەلەارنالارعا قوسىلعان. كورشى رەسەيدە 39 كابەلدى توپتاماعا، ال «حابار 24» تەلەارناسى اقىلى كابەلدى ارنالاردىڭ 30 وپەراتورلىق توپتاماسىنا ەنگىزىلگەن. شەتەلدەگى ەتنيكالىق قازاقتار تاراپىنان «Qazaq TV» جانە «حابار 24» تەلەارنالارىنان اتامەكەنگە كوشىپ كەلىپ جەتىستىككە جەتكەن، ۇلگى الاتىن قانداستار تۋرالى تانىمدىق، تاعىلىمدىق باعدارلامالار، قازاق ءتىلى مەن دومبىرا تارتۋدى ۇيرەتەتىن جانە تاعى باسقا ارنايى حابارلار اشىلسا دەگەن ۇسىنىستار مەن وتىنىشتەر كوپتەپ تۇسۋدە»، - دەيدى ماعاۋيا سارباسوۆ.