شەكارادان ەكسترەميستىك مازمۇنداعى ادەبيەتتەردى الىپ وتپەك بولعان ازامات ۇستالدى
قىرعىزستان رەسپۋبليكاسىنىڭ تالاس وبلىسىنىڭ باقاي-اتا اۋدانىندا تۇراتىن قىرعىز رەسپۋبليكاسىنىڭ ازاماتى «ايشا ءبيبى» شەكارالىق باقىلاۋ پۋنكتى ارقىلى جامبىل وبلىسىنىڭ اۋماعىنا قازاقستان رەسپۋبليكاسىنىڭ سوت ورگاندارىمەن تىيىم سالىنعان ەكسترەميستىك مازمۇنداعى ءدىني ادەبيەتتەردى الىپ كىرۋگە ارەكەت جاساعان.
اتالعان دەرەككە قاتىستى جامبىل وبلىسىنىڭ پوليتسيا دەپارتامەنتى ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 453-بابى 4-بولىگى بويىنشا اكىمشىلىك حاتتاما تولتىردى.
«جامبىل وبلىسىنىڭ جامبىل اۋداندىق سوتىنىڭ قاۋلىسىمەن جوعارىدا كورسەتىلگەن باپتا كوزدەلگەن اكىمشىلىك قۇقىق بۇزۋشىلىقتى جاساعانى ءۇشىن ك. ەسىمدى ازاماتقا 291700 تەڭگە كولەمىندە اكىمشىلىك ايىپپۇل سالىندى»، - دەلىنگەن وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.