USD 434.24 EUR 492.69
RUB 5.67 CNY 68.46
جاڭالىقتار

قىزىلوردادا «كۇي-شەجىرە» اتتى كونسەرت ءوتتى

11 ناۋرىز 08:29
:ءبولىسۋ
قىزىلوردادا «كۇي-شەجىرە» اتتى كونسەرت ءوتتى

قىزىلوردا. قازاقپارات - قىزىلوردادا ەل تاۋەلسىزدىگىنىڭ وبلىستىق فيلارمونيانىڭ 30 جىلدىعىنا وراي كوپشىلىك نازارىنا «كۇي-شەجىرە» اتتى كونسەرتى ۇسىنىلدى، دەپ حابارلايدى قازاقپارات ءتىلشىسى.

اتالعان شارا «30 جىلدىققا 30 ءىس-شارا: تاۋەلسىزدىككە تارتۋ» ايدارى بويىنشا ۇيىمداستىرىلدى.

وسى ماقساتتا فيلارمونيادا بيىلعى جىلدىڭ باسىنان بەرى بىرنەشە كونسەرت وتكىزىلدى. ونەر شاراسى كارانتين تالابىنا سايكەس ۇيىمداستىرىلدى. رۋحانيات كەشىندە وبلىستىق فيلارمونيانىڭ تۇرماعامبەت اتىنداعى حالىق اسپاپتار وركەسترى، «اقمەشىت» فولكلورلىق ءانسامبلىنىڭ ونەرپازدارى قاتىستى.

كونسەرتتە زامانانىڭ زاڭعارىنا اينالعان قۇرمانعازى، قازانعاپ سىندى بەلگىلى كۇيشىلەردىڭ شىعارمالارى كوپشىلىك نازارىنا ۇسىنىلدى. سونداي-اق، جەرگىلىكتى شال مىرزا، مۇرات سىدىقوۆ، بادەن ايسىنوۆ سەكىلدى كومپوزيتورلاردىڭ شىعارمالارى ورىندالدى.

كەش بارىسىندا 19 كۇيشى ونەر كورسەتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات