سولتۇستىك قازاقستاندا ەلىك اتقان براكونەر ۇستالدى
س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 9- ناۋرىز كۇنى تايىنشا اۋدانىنىڭ پوليتسيا بولىمىنە اۋىل تۇرعىندارى حابارلاسىپ، جاقىن ماڭدا مىلتىق اتىلعانىن ايتقان.
وقيعا ورنىنا بىردەن ءتارتىپ ساقشىلارى اتتانىپ، اۋىل ماڭىنان اۋداننىڭ ەكى تۇرعىنىن ۇستادى.
ولاردىڭ ءبىرى - 36 جاستاعى قارۋ يەسى ءتۇز تاعىسىن اتتى دەگەن كۇدىككە ءىلىندى. ءسىبىر ەلىگىن اتىپ العان ورىن دا انىقتالدى.
وقيعا ورنىنان جانۋاردىڭ ەتى، قاردا جۇرگىش كولىك، 2 اتىلعان گيلزا، تىركەلگەن ەكى ۇڭعىلى مىلتىق تابىلدى. بۇل دەرەك سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە «زاڭسىز اڭشىلىق» بابى بويىنشا ەنگىزىلدى. تەرگەۋ ءجۇرىپ جاتىر.
«بۇل - بيىلدىققا اۋدان اۋماعىندا تىركەلگەن العاشقى زاڭسىز اڭ اۋلاۋ فاكتىسى. براكونەرلەرمەن كۇرەسۋ ءۇشىن تۇراقتى تۇردە رەيد جۇرگىزىلەدى. ولارعا اۋداندىق پوليتسيا ءبولىمىنىڭ، س ق و پوليتسيا دەپارتامەنتى ج پ ق ب تابيعاتتى قورعاۋ پوليتسياسىنىڭ قىزمەتكەرلەرى، مۇددەلى ۆەدومستۆولاردىڭ وكىلدەرى قاتىسادى»، - دەيدى تايىنشا اۋدانى پوليتسيا ءبولىمىنىڭ باستىعى نۇرلىجان اقتانوۆ.