USD 434.84 EUR 498.2
RUB 5.72 CNY 68.47
جاڭالىقتار

قىزىلوردا تۇرعىنىنان جارتى كەلىگە جۋىق ماريحۋانا الىندى

10 ناۋرىز 08:58
:ءبولىسۋ
قىزىلوردا تۇرعىنىنان جارتى كەلىگە جۋىق ماريحۋانا الىندى

قىزىلوردا. قازاقپارات - قىزىلوردادا پوليتسەيلەر ەسىرتكى تاسىمالداعان كۇدىكتىنى ۇستادى، دەپ حابارلايدى قازاقپارات Polisia.kz سىلتەمە جاساپ.

6- ناۋرىز كۇنى جەدەل-پروفيلاكتيكالىق ءىس-شارا بارىسىندا قارماقشى اۋدانىنىڭ اۋماعى ارقىلى وتەتىن «سامارا-شىمكەنت» تاس جولىنىڭ بويىندا قىزىلوردا وبلىسى پ د قىزمەتكەرلەرى «ۆاز-2115» ماركالى اۆتوكولىكتى توقتاتقان.

«پوليتسيا قىزمەتكەرلەرى كولىكتى توقتاتقان كەزدە جۇرگىزۋشى اۆتوكولىكتىڭ الدىڭعى تەرەزەسىنەن پوليەتيلەن پاكەتكە سالىنعان زاتتى لاقتىرىپ جىبەرگەن. تەكسەرۋ بارىسىندا پاكەتتىڭ ىشىندە جاسىل ءتۇستى، ەرەكشە ءيىسى بار زات بار ەكەنى انىقتالدى. ساراپتاما قورىتىندىسىنا سايكەس وقيعا ورنىنان تابىلعان زات - جالپى سالماعى 464,84 گ ر كەپتىرىلگەن ماريحۋانا بولىپ شىقتى. كولىك تىزگىنىندە قىزىلوردا قالاسىنىڭ 40 جاستاعى تۇرعىنى وتىرعان»، دەلىنگەن حابارلامادا.

قازىر فاكت بويىنشا قىلمىستىق كودەكستىڭ 296-بابى 2-بولىگىمەن (ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىنسىز زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ) سوتقا دەيىنگى تەرگەپ-تەكسەرۋ جۇرگىزىلىپ جاتىر.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات