پەتروپاۆلدا پوليتسەي-بويجەتكەن قازاق تىلىنەن وتكەن بايقاۋدا جەڭىمپاز اتاندى
سولتۇستىك قازاقستان وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، سەرافيما وكيشيەۆا پەتروپاۆل قالالىق پوليتسيا باسقارماسىنىڭ ارنايى قابىلداۋ بولىمشەسىندە جۇمىس ىستەيدى.
قازاق ءتىلىن مەكتەپتە ءجۇرىپ تەرەڭ مەڭگەرە باستاعان. بۇگىندە سونىڭ ناتيجەسىن كورىپ وتىر. ەش قيىندىقسىز ءىس قاعازدارىن مەملەكەتتىك تىلدە جۇرگىزەدى.
س ق و اكىمدىگى جانىنداعى تىلدەردى وقىتۋ ورتالىعى ۇيىمداستىرعان ونلاين-بايقاۋ جامبىلدىڭ 175 جىلدىعىنا وراي ۇيىمداستىرىلدى. سەرافيما وكيشيەۆا بايقاۋعا اقىن- جىراۋدىڭ «لەنينگرادتىق ورەنىم» ولەڭىن ناقىشىنا كەلتىرە وقىپ، بەينەروليك جىبەردى.
«لەنينگرادتىق ورەنىم» ولەڭى جامبىلدى بۇكىل كەڭەس وداعىنا تانىتتى. بلوكادانى باسىنان وتكەرگەن باتىرلاردىڭ ۇرپاقتارى ءالى كۇنگە دەيىن «قارت جامبىلدىڭ» رۋحتى ولەڭ جولدارىن جاتقا بىلەدى. قۇرمەت تۇتادى. مەن دە اقىننىڭ بۇل ولەڭىن ءسۇيىپ وقيمىن. بايقاۋعا وراي «لەنينگرادتىق ورەنىم» ولەڭىن پەتروپاۆلداعى جامبىلدىڭ ەسكەرتكىشىنىڭ جانىندا وقىدىم. بەينەروليكتى سونداي-اق ۇلى وتان سوعىسىنا قاتىسقان سولتۇستىك قازاقستاندىق ءتارتىپ ساقشىلارىنا ارنالعان وبلىستىق پوليتسيا مۋزەيىندەگى جادىگەرلەر جانىندا تۇسىردىك»، - دەيدى سەرافيما.
ءادىلقازىلار سەرافيمانىڭ ءتىل تازالىعىن، مانەرلەپ وقۋىن جوعارى باعالادى. بەينەروليك قالا شەگىندە، اقىننىڭ ەسكەرتكىشى مەن ءتۇسىرىلدى.
س ق و پد باستىعى پوليتسيا پولكوۆنيگى مارات تولەبايەۆتىڭ ايتۋىنشا، جەكە قۇرامنىڭ مەملەكەتتىك ءتىلدى مەڭگەرۋگە دەگەن ۇمتىلىسى وبلىستىق پوليتسيا ۆەدومستۆوسىندا جان-جاقتى قولداۋ تابادى.
قىزمەتكەرلەرگە ارنالعان ساباقتار تۇراقتى وتكىزىلەدى. ىشكى جانە سىرتقى كوممۋنيكاتسيالار ءبولىمى قازاق ءتىلىن ناسيحاتتاۋعا باعىتتالعان ءىس-شارالاردى ۇيىمداستىرادى.