جانداربەك بەكشين كارانتينگە بايلانىستى جاڭا قاۋلىعا قول قويدى

الماتى. قازاقپارات - الماتى قالاسىنىڭ باس مەملەكەتتىك سانيتارلىق دارىگەرى جانداربەك بەكشين كارانتينگە بايلانىستى جاڭا قاۋلىعا قول قويدى، دەپ حابارلايدى قازاقپارات ءتىلشىسى.

قۇجاتقا سايكەس بۇقارالىق، ويىن-ساۋىق شارالارى، كورمەلەر، فورۋمدار، كونفەرەنسيالار، سونداي-اق وتباسىلىق، سالتاناتتى، مەرەيتويلىق شارالار، ۇيدەگى ۇيلەنۋ تويلارىن وتكىزۋگە تىيىم سالىنادى. قىزمەتى قالپىنا كەلمەگەن وبەكتىلەرگە بارۋعا تىيىم سالىنادى:

بوۋلينگ ورتالىقتارى، كومپيۋتەرلىك كلۋبتار («Ashyq» پيلوتتىق جوباسىنا قاتىساتىن وبەكتىلەردى قوسپاعاندا)، بيليارد زالدارى، كاراوكە، باتۋتتار، تۇنگى كلۋبتار، بۋكمەكەرلىك كەڭسەلەر، لوتو جانە ويىن كلۋبتارى، ويىن الاڭدارى مەن جابىق عيماراتتاعى اتتراكسيوندار، ونىڭ ىشىندە، مۇز جانە روليكتى سىرعاناق الاڭدارى، سپورتتىق نىسانداردا ورنالاسقانداردى قوسپاعاندا؛

- «Ashyq» پيلوتتىق جوباسىنا قاتىساتىن كاسىپكەرلىك نىساندارعا كىرۋ ءۇشىن App Store مەن Play Market ارقىلى جۇكتەۋگە بولاتىن «Ashyq» موبيلدى قوسىمشاسىن پايدالانۋ كەرەك؛

ەگەر كەلۋشىنىڭ سمارتفونى بولماسا نەمەسە وسى ءموبيلدى قوسىمشانى جۇكتەۋ كەزىندە قيىندىقتار تۋىنداسا، جاۋاپتى تۇلعا - مەكەمە قىزمەتكەرى جسن ەنگىزۋ ارقىلى كەلۋشىنىڭ كىرۋىن جازىپ الۋعا قۇقىلى؛ - قوعامدىق ورىندارعا، ونىڭ ىشىندە، قالالىق قوعامدىق كولىكتەرگە جانە قىزمەتىنە رۇقسات بەرىلگەن وبەكتىلەرگە بارعاندا، سونداي-اق، اشىق اسپان استىنداعى قوعامدىق ورىنداردا بولعاندا (5 جاسقا دەيىنگى بالالارعا جانە اشىق اۋادا سپورتپەن اينالىسۋدان باسقا) ماسكا كيۋ، اراقاشىقتىقتى ساقتاۋ جانە انتيسەپتيكتەردى قولدانۋ تالاپتارىن قاتاڭ ساقتاۋ؛

سونداي- اق، مەرەكەلىك كورپوراتيۆتىك ءىس- شارالاردى، بالالار ساۋىقتىرۋ لاگەرلەرىنىڭ قىزمەتىن ۇيىمداستىرۋعا جانە وتكىزۋگە تىيىم سالىنادى. - ۇلتتىق قۇراما كوماندالارعا، كلۋبتىق كوماندالارعا (30 ادامنان اسپاۋى كەرەك، كونتاكتسىز تەرمومەتريا، سپورت بازالارىندا تۇرۋ) ارنالعان سپورتتىق جاتتىعۋلارعا؛ - قازاقستان رەسپۋبليكاسى ۇلتتىق بانكى مەن قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگىنىڭ اكتىسىنە سايكەس، ۋاقىت پەن سانعا شەكتەۋلەر بار قارجى نارىعى سۋبەكتىلەرىنىڭ قىزمەتىنە؛

- ماسكا رەجيمىن جانە كەمىندە 1,5 مەتر قاشىقتىقتى ساقتاي وتىرىپ، 15 ادامنان اسپايتىن جەكە جانە ۇيىمداسقان توپتار ءۇشىن ەرەكشە قورعالاتىن تابيعي اۋماقتارعا (مەملەكەتتىك، ۇلتتىق تابيعي پاركتەرگە، قورىقتارعا، قورىقتارعا جانە باسقالارىنا) بارۋ، وتىرىستاردى جەكە وتكىزۋگە (ولاردى قاشىقتان فورماتتا وتكىزۋ مۇمكىندىگى بولماعان جاعدايدا)؛

- «بالداۋرەن» رەسپۋبليكالىق ءبىلىم بەرۋ- ساۋىقتىرۋ ورتالىعى مەن «بوبەك» ۇلتتىق عىلىمي- پراكتيكالىق ءبىلىم بەرۋ- ساۋىقتىرۋ ورتالىعىنىڭ قىزمەتىنە؛

- ارنايى، مامانداندىرىلعان ۇيىمداردىڭ، ەرەكشە ءبىلىم بەرۋ قاجەتتىلىكتەرى بار بالالارعا ارنالعان ارنايى مەكتەپ- ينتەرناتتاردىڭ (سونىڭ ىشىندە اتا- اناسىنىڭ قامقورلىعىنسىز قالعان جەتىم بالالارعا ارنالعان)، جالپى ينتەرناتتاردىڭ، دارىندى بالالارعا ارنالعان مەكتەپ-ينتەرناتتاردىڭ قىزمەتىنە؛

- كۇشەيتىلگەن سانيتارلىق- دەزينفەكسيالىق رەجيمنىڭ ساقتالۋى جانە ءبىر مەزگىلدە 30 ادامنان كوپ جينالماۋى جاعدايىندا قالا كوماندالارىن دايارلاۋعا ارنالعان وقۋ- جاتتىعۋ جيىندارىن قايتا باستاۋعا؛

- ق ر م س ب د-نىڭ №67-قاۋلىسىنىڭ تالاپتارىن ەسكەرە وتىرىپ، اشىق اسپان استىنداعى اتتراكتسيونداردىڭ قىزمەتىنە؛

- جەكە جانە توپتىق اشىق جاتتىعۋلارعا (توپتا 5 ادامنان اسپاۋ كەرەك) رۇقسات ەتىلەدى. كوروناۆيرۋستىق ينفەكسيانىڭ جەڭىل جانە ورتاشا فورمالارى بار ناۋقاستاردى اۋرۋحاناعا جاتقىزۋعا، ۇيدەگى كارانتيندى ساقتاۋ شارتتارى بولماعان جاعدايدا سيمپتومسىز نىسانداردى اۋرۋحاناعا جاتقىزۋ مىندەتتى.

اۆتور: گۇلميرا عوسمانالي