ەكولوگيا مينيسترلىگى قاراعاندىداعى «جولاۋشى» ارىستان جونىندە پىكىر ءبىلدىردى

None
None
نۇر-سۇلتان. قازاقپارات – ق ر ەكولوگيا، گەولوگيا جانە سۋ رەسۋرستارى مينيسترلىگى قاراعاندىداعى كولىك تەرەزەسىنەن كورىنگەن ارىستان جونىندە پىكىر ءبىلدىردى، دەپ حابارلايدى قازاقپارات.

«كەشە قاراعاندىداعى كولىك تەرەزەسىنەن قاراپ تۇرعان ارىستاننىڭ سۋرەتى ب ا ق پەن الەۋمەتتىك جەلىلەردە كوپ جاريالاندى. وبلىستىق جانۋارلار دۇنيەسى ينسپەكسياسىنىڭ ماماندارى بۇل ماسەلەنى تالقىلادى جانە ونىڭ جەرگىلىكتى بايلانىس زووباعىنىڭ ارىستانى ەكەنى بەلگىلى بولدى. ءبىراق ارىستاندى كولىكتىڭ ارتقى ورىندىعىندا تاسىمالداۋعا رۇقسات بەرىلمەگەن. اتالعان فاكت بويىنشا ينسپەكتورلار تەكسەرۋ جۇرگىزۋ ءۇشىن پولتسيا دەپارتامەنتىنە ارىز جازدى»، - دەپ جازدى مينيسترلىكتىڭ رەسمي وكىلى سامال يبرايەۆا Facebook جەلىسىندە.

سونىمەن بىرگە، رەسمي وكىل قازاقستاندا بايلانىس زووباعى قىزمەتى قازاقستاندا توقتاتىلۋى كەرەك دەپ سانايدى، ويتكەنى بۇل سەنساتسيالىق فوتوداعىداي سالدارعا اكەپ سوعادى. بۇل جانۋارلار ءۇشىن دە، ادامدار ءۇشىن دە بەلگىلى ءبىر قاۋىپ تۋدىرادى.

«جالپى، سوڭعى ۋاقىتتا ەلىمىزدە جابايى اڭداردى ۇيدە ۇستاۋ جاعدايلارى جيىلەپ كەتتى. مەنىڭ ويىمشا، بۇل اقىلعا قونبايدى. بۇل اڭدارعا كورسەتىلگەن قاتىگەزدىك جانە ادامدارعا دا قاۋىپتى. زاڭنامالىق تۇردە مۇنداي فاكتىلەردىڭ الدىن الاتىن كەز كەلدى. ەكزوتيكالىق جانۋارلار ۇستايتىن ادامدارعا جانە وعان جاعداي جاسايتىندارعا قاتاڭ جاۋاپكەرشىلىك شارالارىن انىقتاۋ قاجەت. مۇنداي فاكتىلەردى ءبىز مينيسترلىك رەتىندە جان- جاقتى زەرتتەپ، جولىن كەسۋگە نيەتتىمىز»، - دەيدى س. يبرايەۆا.

ايتا كەتەيىك، اقپان ايىندا الماتى وبلىسىنداعى شارۋا قوجالىقتاردىڭ بىرىنەن ارىستان تابىلعان ەدى.

سوڭعى جاڭالىقتار