+7 (701) 759 90 19
+7 °С : نۇر-سۇلتان
+14 °С : الماتى
USD 430.39 EUR 515.52
RUB 5.68 CNY 66.03
جاڭالىقتار

جانكۇيەرلەر ديماش قۇدايبەرگەن تۋرالى ۆەب-ويىندار جاسادى - ۆيدەو

6 ناۋرىز 09:15
:ءبولىسۋ

نۇر-سۇلتان. قازاقپارات - ارگەنتينالىق جانكۇيەرلەر ديماش قۇدايبەرگەن تۋرالى ۆەب-ويىندار شىعاردى، دەپ حابارلايدى قازاقپارات dimashnews.com سايتىنا سىلتەمە جاساپ.

شاعىن ويىن جاساۋ يدەياسى La Era Dimash ستانسياسىنىڭ نەگىزىن قالاۋشى پاولا پروفەتاعا تيەسىلى.

ول راديونىڭ گرافيكالىق ديزاينىنا جاۋاپ بەرەتىن سيلۆان اگيررەدەن كومەك سۇراعان. كەيىن بىرگە وتىرىپ، ويىنداردى بەزەندىرۋگە ارنالعان سۋرەتتەردى تاڭداعان.

ولاردىڭ اراسىندا بايتەرەك جانە اقتوبە قالاسىنىڭ كورىكتى جەرلەرى بار. ويىندار وتە قاراپايىم قوسىمشانىڭ كومەگىمەن جاسالدى جانە ولاردى تەگىن ويناۋعا بولادى. فاناتتار La Era Dimash ستانتسياسىنىڭ جوباسىن قۋانا قابىلداعان.

قازاقستاندىق ءانشىنىڭ ءارتۇرلى جاستاعى جانكۇيەرلەرى ريزاشىلىق بىلدىرۋدە. ويتكەنى ويىندار جەڭىل جانە بوس ۋاقىتتى كوڭىلدى وتكىزۋگە كومەكتەسەدى. ەندى La Era Dimash ستانسياسى وزگە دە ويىن- ساۋىق جوبالاردى دايىنداماق. ماسەلەن، ديماش جانە قازاقستاننىڭ مادەنيەتى تۋرالى ۆيكتورينا- قوسىمشانى قۇرۋ جوسپارلانۋدا.

ەسكە سالايىق، ديماش پەن ونىڭ جانكۇيەرلەرىنە ارنالعان La Era Dimash اتتى تاۋلىك بويى جۇمىس ىستەيتىن العاشقى راديوستانسيا 2020 -جىلدىڭ 14-شىلدەسىندە قۇرىلدى. ديماشتىڭ اندەرى عانا ورىندالاتىن راديونى اشۋ تۋرالى يدەيا ونىڭ ارگەنتينالىق جانكۇيەرى پاولا پروفەتاعا 2019 -جىلدىڭ تامىز ايىنىڭ سوڭىندا كەلگەن. بويجەتكەنگە لاتىن امەريكاداعى جانە بۇكىل الەمدەگى Dears بەلسەندى قولداۋ بىلدىرگەن.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات