+7 (701) 759 90 19
+7 °С : نۇر-سۇلتان
+14 °С : الماتى
USD 430.26 EUR 515.32
RUB 5.61 CNY 65.99
جاڭالىقتار

ريم پاپاسى يراكقا كەلدى - فوتو

6 ناۋرىز 08:18
:ءبولىسۋ
ريم پاپاسى يراكقا كەلدى - فوتو

باعداد. قازاقپارات - جۇما كۇنى ريم پاپاسى فرانسيسكتىڭ يراكقا العاشقى ساپارى باستالدى.

بۇل سونداي-اق پونتيفيكتىڭ پاندەميا باستالعالى ءبىرىنشى حالىقارالىق ساپارى.

«قازاقپارات» ح ا ا بۇل تۋرالى The Guardian سايتىنا سىلتەمە جاساپ حابارلايدى.

5-ناۋرىز كۇنى ريم- كاتوليك شىركەۋى باسشىسىنىڭ ۇشاعى باعداد اۋەجايىنا قوندى. ونى يراكتىڭ پرەمەر- ءمينيسترى مۋستافا كازىم مەن ۇلتتىق كيىم كيگەن جەرگىلىكتى حالىق قارسى الدى. ءمالىم ەتىلگەندەي، سوزىلىپ وتىرعان پاندەمياعا جانە قاۋىپسىزدىك ماسەلەلەرىنە بايلانىستى بۇل - 84 جاستاعى پاپا ءۇشىن تاۋەكەلى ەڭ جوعارى ساپار بولىپ وتىر.

وسىعان قاراماستان، پونتيفيك ساپار شەگۋگە تاباندىلىق ءبىلدىرىپ، «مىندەتتەمەلەرمەن بايلانعانىن» اتاپ وتكەن. سونداي-اق ول 1999 -جىلى يراكتىڭ سول كەزدەگى پرەزيدەنتى ساددام حۋسەيننىڭ ۇكىمەتىمەن كەلىسسوزدەر جۇزەگە اسپاي قالۋىنان پاپا II يوانن پاۆەلدىڭ ساپارى توقتاتىلعانىن مەڭزەي وتىرىپ، يراك حريستياندارىن ەكىنشى رەت قاپى قالدىرا المايتىنىن ايتقان.


باعداد پەن اۋەجاي اراسىنداعى جول بويىندا جۇزدەگەن ادام جينالدى. پونتيفيك اۋەجايدان ءداستۇرلى تۇردە «پاپاموبيلمەن» ەمەس، وق وتپەيتىن اۆتوكولىكپەن شىققان. وعان ونداعان كولىك كورتەجى ىلەسىپ ءجۇردى. يراك استاناسىنىڭ اۋەجايىنا تاياۋدا شابۋىل جاسالعاندىقتان، ەل ۇكىمەتى جوعارى قاۋىپسىزدىك شارالارىن قولعا العان.


پرەزيدەنت سارايىندا پاپا فرانسيسكتى يراك پرەزيدەنتى بارحام ساليح قارسى الدى. كاتوليك شىركەۋىنىڭ باسشىسى ءوزىنىڭ العىسوزىندە يراكقا كەلگەنىنە قۋانىشتى ەكەنىن جانە ەلدى وركەنيەت بەسىگى دەپ اتادى. سونداي-اق زورلىق- زومبىلىق پەن ەكسترەميزم اكتىلەرىنە توقتاۋ بولاتىنىنا ءۇمىت ءبىلدىردى. ءوزىنىڭ ساپارى الدىندا پاپا فرانتسيسك يراك حالقىنا ۆيدەوۇندەۋ جولداعان بولاتىن. وندا بۇل ەلگە «كوپتەگەن جىلدار بويعى سوعىس پەن تەرروريزمنەن كەيىن، قۇدايدان كەشىرىم مەن تاتۋلىق سۇراۋ ءۇشىن ءدىندار رەتىندە، تاۋبەسىنە كەلگەن ءدىندار رەتىندە بارا جاتقانىن» ايتقان ەدى.


ءتۇرلى ستاتيستيكا بويىنشا، بۇگىندە يراكتا 250 مىڭعا جۋىق حريستيان تۇرادى. ولاردىڭ شامامەن ۇشتەن ەكىسى حالدەي كاتوليكتەرى بولىپ تابىلادى. شىركەۋلەرى وزدەرىنىڭ دەربەس ليتۋرگياسى مەن ءداستۇرىن ساقتاپ كەلەدى. دەگەنمەن، ريم پاپاسىنىڭ بيلىگىن مويىنداۋدا. حابارلانعانداي، پاپا فرانسيكس پەن وعان ىلەسىپ جۇرگەن دەلەگاتسيا ساپار الدىندا كوروناۆيرۋسقا قارسى Pfizer/BioNTech ۆاكسيناسىن سالدىرعان. ريم-كاتوليك شىركەۋىنىڭ باسشىسى ەلگە ساپارى بارىسىندا يراك شەيىتتەرىنىڭ باسشىسى اياتوللا ءالي ءال- سيستانيمەن كەزدەسۋگە، كونە ۋر قالاسىندا وتەتىن ءدىنارالىق شاراعا قاتىسادى. جەكسەنبى كۇنى پونتيفيك موسۋلعا بارادى. وندا تەرروريزم قۇرباندارى ءۇشىن دۇعا وقيدى. ودان كەيىن قاركوشكە جول تارتىپ، ەربيلە ستاديونىندا ليتۋرگيا وتكىزەدى.

اۆتور: ميرا تولەندى قىزى


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات