ا ق ش- تىڭ ەكى شتاتىندا بەتپەردە تاقپاۋعا رۇقسات ەتىلدى

None
None
نۇر-سۇلتان. قازاقپارات - ا ق ش- تا تەحاس جانە ميسسيسيپي شتاتتارىنىڭ بيلىگى بەتپەردە تاعۋ رەجيمىن توقتاتتى.

مەيرامحانالار مەن باسقا مەكەمەلەردە، سونداي- اق كاسىپورىنداردا ادام سانىنا بايلانىستى ليميت تە الىنىپ تاستالدى، - دەپ حابارلايدى Kaz.tengritravel.kz پورتالى tourdom.ru سايتىنا سىلتەمە جاساپ.

NTV مالىمەتىنشە، تەحاس گۋبەرناتورى گرەگ ەببوتت ۆاكتسيناتسيالاۋدان كەيىن وسىنداي شەشىم شىعارعانىن ايتقان.

«بەتپەردە تاعۋ تالاپتارى مەن پاندەمياعا بايلانىستى قابىلدانعان باسقا دا قاۋىپسىزدىك شارالارىن توقتاتۋ كەرەك»، - دەدى ول.

الايدا، ەگەر شتاتتاعى اۋرۋحانالاردا ادام كوبەيسە، وندا شەكتەۋلەر قايتارىلۋى مۇمكىن. تەك گۋبەرناتور مۇنداي جاعدايدا بەتپەردە رەجيمىن بۇزعانى ءۇشىن ايىپپۇل سالىنبايتىنىنا ۋادە ەتتى. ميسسيسيپي باسشىسى تەيت ريۆز دە وسىنداي شەشىم شىعاردى. ول «تۆيتتەر» جەلىسىندە تەرگەۋ يزولياتورلارىندا بەتپەردە تاعۋ مىندەتىن الىپ تاستاۋ تۋرالى جازدى. سونىمەن قاتار كوروناۆيرۋستى جۇقتىرعاندار سانىنىڭ ازايۋىنا بايلانىستى كاسىپكەرلەرگە تولىق جانە شەكتەۋسىز جۇمىس ىستەۋگە رۇقسات ەتتى.


سوڭعى جاڭالىقتار