سەمەي يادرولىق قاۋىپسىزدىك ايماعى تۋرالى زاڭ قابىلدانادى
«قازاقستان الەمنىڭ تابيعي ۋران نارىعىندا كوشباسشىلىق ورىندى ساقتاۋدى جالعاستىرىپ كەلەدى. رەسپۋبليكا ۋراننىڭ الەمدىك ءوندىرىسىنىڭ 42 پايىزىن وندىرەدى. جىلدىڭ قورىتىندىسى بويىنشا ۋران ءوندىرۋ كولەمى 19586,6 توننانى قۇرادى. اتوم ەنەرگياسىن پايدالانۋ سالاسىنداعى ازاماتتىق- قۇقىقتىق جاۋاپكەرشىلىك ماسەلەلەرى بويىنشا قازاقستان رەسپۋبليكاسىنىڭ زاڭى قابىلداندى. وسىلايشا، ەلىمىزدە يادرولىق زالال ءۇشىن ازاماتتىق جاۋاپكەرشىلىك تۋرالى ۆەنا كونۆەنسياسى اياسىندا حالىقارالىق مىندەتتەمەلەر ىسكە اسىرىلاتىن بولادى»، - دەدى مينيستر ۆەدومستۆونىڭ القا ماجىلىسىندە.
ونىڭ ايتۋىنشا، 2021 -جىلعا ارنالعان ۋران ءوندىرۋ جوسپارى 22575 توننانى قۇرايدى.
«2021 -جىلى جالپى اۋدانى 18311 شارشى شاقىرىم قۇرايتىن بۇرىنعى سەمەي سىناق پوليگونىنىڭ اۋماعىن كەشەندى ەكولوگيالىق تەكسەرۋدى اياقتاۋ جوسپارلانىپ وتىر (%100). زەرتتەۋ ناتيجەسىندە بۇرىنعى سىناق اۋماعىنىڭ راديوەكولوگيالىق جاعدايى ايقىندالاتىن بولادى. پوليگوننىڭ لاستانعان جەرلەرىندە يادرولىق جانە رادياتسيالىق قاۋىپسىزدىكتى قامتاماسىز ەتۋ ءۇشىن «سەمەي يادرولىق قاۋىپسىزدىك ايماعى تۋرالى» قر زاڭىن قابىلداۋ جوسپارلانعان»، - دەدى نۇرلان نوعايەۆ.
اۆتور: رۋسلان عابباسوۆ