+7 (701) 759 90 19
+7 °С : نۇر-سۇلتان
+14 °С : الماتى
USD 433.15 EUR 515.06
RUB 5.61 CNY 66.06
جاڭالىقتار

قازاقستاندا مەملەكەتتىك قىزمەتشىلەرگە قازاق ءتىلىن مەڭگەرۋگە قاتىستى تالاپ قويىلماق

5 ناۋرىز 16:51
:ءبولىسۋ
قازاقستاندا مەملەكەتتىك قىزمەتشىلەرگە قازاق ءتىلىن مەڭگەرۋگە قاتىستى تالاپ قويىلماق

نۇر- سۇلتان. قازاقپارات - ق ر مەملەكەتتىك قىزمەت ىستەرى اگەنتتىگى مەملەكەتتىك قىزمەتشىلەرگە تىلدەردى مەڭگەرۋ بويىنشا تالاپتار بەلگىلەۋ ماسەلەسىن پىسىقتاۋدا.

بۇل جايىندا ءماجىلىس دەپۋتاتتارىنىڭ ساۋالىنا ق ر پرەمەر- ءمينيسترىنىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى مەملەكەتتىك قىزمەتشىلەرگە تىلدەردى مەڭگەرۋ بويىنشا تالاپتار بەلگىلەۋ ماسەلەسىن پىسىقتاۋدا. قازىرگى تاڭدا «ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس اكسيونەرلىك قوعامى قىزمەتكەرلەرىنە قويىلاتىن بىلىكتىلىك تالاپتارىنا سايكەس، حالىققا قىزمەت كورسەتۋ ورتالىقتارى قىزمەتكەرلەرىنە قازاق ءتىلىن ءبىلۋ مىندەتتەلگەن»، - دەدى ۇكىمەت باسشىسى.

ونىڭ اتاپ وتۋىنشە، «قازاقستان رەسپۋبليكاسىنداعى ءتىل تۋرالى» زاڭنىڭ 9-بابىنا سايكەس مەملەكەتتىك ورگانداردىڭ اكتىلەرى مەملەكەتتىك تىلدە ازىرلەنىپ، قابىلدانادى. وسىعان وراي بۇگىندە زاڭ تالاپتارىنا سايكەس بارلىق مەملەكەتتىك نورماتيۆتىك قۇقىقتىق اكتىلەر مەملەكەتتىك تىلدە ازىرلەنۋدە. مەملەكەتتىك ورگاندار دايىندايتىن ءىس قاعازداردىڭ 93 پايىزى قازاق تىلىندە. زاڭنىڭ 10-بابىنا سايكەس قازاقستان رەسپۋبليكاسىنىڭ مەملەكەتتىك ورگاندارى جۇيەسىندە، ۇيىمدارىندا، مەنشىك نىسانىنا قاراماستان، ستاتيستيكالىق- ەسەپ، قارجى جانە تەحنيكالىق قۇجاتتاما جۇرگىزۋ مەملەكەتتىك جانە ورىس تىلدە قامتاماسىز ەتىلەدى.

«سونىمەن قاتار، مەملەكەتتىك ءتىلدىڭ قولدانىس اياسىن كەڭەيتۋگە باعىتتالعان زاڭنامالىق جۇمىستار جۇرگىزىلۋدە. بۇگىندە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كورنەكى اقپارات ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ازىرلەنىپ، پارلامەنتتىڭ قاراۋىنا ەنگىزىلدى. زاڭ جوباسى دەرەكتەمەلەر مەن كورنەكى اقپاراتتى ورنالاستىرۋدا ورفوگرافيا نورمالارىن، ماتىندەردىڭ ماعىنالىق جانە تەڭ ءتۇپنۇسقالىق اۋدارماسىن ساقتاۋ تالاپتارىن كەڭەيتۋگە مۇمكىندىك بەرەدى»، - دەدى پرەمەر- مينيستر.

اسقار مامين قازاقستان رەسپۋبليكاسى پرەزيدەنتىنىڭ 2020 -جىلعى 20 -قاراشاداعى № 453 جارلىعىنا سايكەس تىلدەردى دامىتۋ سالاسىنداعى فۋنكسيالار مەن وكىلەتتىكتەر ءبىلىم جانە عىلىم مينيسترلىگىنە بەرىلگەندىگىنە نازار اۋدارتادى.

«بۇل قوعامدىق قاتىناستاردىڭ بارلىق سالالارىندا مەملەكەتتىك ءتىلدىڭ قولدانىس اياسىن كەڭەيتۋ جانە مەملەكەتتىك ءتىلدى وقىپ- ۇيرەنۋگە جاعداي جاساۋ، قازاق ءتىلىنىڭ وقىتۋ ادىستەمەسىن جەتىلدىرۋ جۇمىستارىن ءبىر ورتالىققا شوعىرلاندىرادى، سونداي- اق مەملەكەتتىك ءتىلدىڭ دامۋىنا وڭ ىقپال ەتەدى. دەپۋتاتتىق ساۋالدا اتالعان ۇسىنىستار قازاقستان رەسپۋبليكاسىنداعى تىلدەردى دامىتۋ جونىندەگى مەملەكەتتىك ساياساتتى ىسكە اسىرۋ بارىسىندا قاراستىرىلاتىن بولادى. مەملەكەتتىك ءتىلدىڭ قولدانىس اياسىن كەڭەيتۋ جۇمىستارى ۇكىمەتتىڭ تۇراقتى باقىلاۋىندا، بۇل باعىتتاعى جۇمىستار جالعاسۋدا»، - دەدى ول.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات