+7 (701) 759 90 19
+7 °С : نۇر-سۇلتان
+14 °С : الماتى
USD 433.15 EUR 515.06
RUB 5.61 CNY 66.06
جاڭالىقتار

اسقار مامين ينۆەستيتسيالىق شتابتىڭ وتىرىسىن وتكىزدى

5 ناۋرىز 16:46
:ءبولىسۋ
اسقار مامين ينۆەستيتسيالىق شتابتىڭ وتىرىسىن وتكىزدى

نۇر- سۇلتان. قازاقپارات – ق ر پرەمەر- ءمينيسترى اسقار ماميننىڭ توراعالىعىمەن وتكەن ينۆەستيتسيالىق شتابتىڭ وتىرىسىندا پرەزيدەنت جانىنداعى رەفورمالار جونىندەگى جوعارى كەڭەس شەڭبەرىندە تانىستىرىلعان ينۆەستيتسيالاردى باسقارۋ بويىنشا جاڭا تاسىلدەر قارالدى،

دەپ حابارلايدى قازاقپارات primeminister.kz-كە سىلتەمە جاساپ.

ۇلتتىق ەكونوميكا ءمينيسترى اسەت ەرعاليەۆ قازاقستاننىڭ 2025 -جىلعا دەيىنگى ۇلتتىق دامۋ جوسپارىندا، سونداي- اق «Nur Otan» پارتياسىنىڭ سايلاۋالدى باعدارلاماسىندا نەگىزگى كاپيتالعا سالىنعان ينۆەستيتسيالار كولەمىن 2025 -جىلى ج ءى ءو- ءنىڭ 30%- ىنا دەيىن، تىكەلەي شەتەلدىك ينۆەستيتسيالار كولەمىن $30 ميللياردقا دەيىن جەتكىزۋ ماقساتى قويىلعانىن اتاپ ءوتتى.

وسى نىسانالى كورسەتكىشتەرگە قول جەتكىزۋ ءۇشىن ينۆەستيتسيالاردى تارگەتتەلگەن جانە پرواكتيۆتى تارتۋ بويىنشا جۇيەلى شارالار ىسكە اسىرىلادى. ينۆەستيتسيالار تارتۋ ءۇشىن اگروونەركاسىپتىك كەشەن، تۋريزم، ينفراقۇرىلىم، ماشينا جاساۋ، فارماتسيەۆتيكا، ت م ك، مۇناي حيمياسى، IT، ءبىلىم بەرۋ جانە قوسىلعان قۇن دەڭگەيى جوعارى باسقا دا سالالار باسىم سەكتورلار بولىپ ايقىندالدى.


ينۆەستيتسيالاردىڭ نىسانالى كولەمدەرىنىڭ كورسەتكىشتەرى سالالار بويىنشا، مەملەكەتتىك ورگاندار مەن وڭىرلەردىڭ اكىمدىكتەرى جىلدار بويىنشا بولە وتىرىپ، دەكومپوزيتسيالاندى. پرەمەر- ءمينيستردىڭ ورىنباسارى - سىرتقى ىستەر ءمينيسترى مۇحتار تىلەۋبەردى 32,4 تريلليون تەڭگە سوماسىنا 1600-دەن استام جوبادان تۇراتىن پۋل قۇرىلعانىن ايتتى.

تىكەلەي شەتەلدىك ينۆەستيتسيالار اعىنىن قارقىنداتۋ جونىندەگى جاڭا تاسىلدەردى ىسكە اسىرۋ شەڭبەرىندە ق ر س ءى م- ءنىڭ شەتەلدىك مەكەمەلەرى ءۇشىن ءۇش جىلدىق ەلدىك باعدارلامالار ازىرلەنىپ، قابىلداندى. ءاربىر باعدارلاما بەلگىلى ءبىر ەلدىڭ ەكونوميكاسىنىڭ قۇرىلىمىنىڭ ەرەكشەلىگىن ەسكەرە وتىرىپ، ونىڭ تارگەتتەلەتىن سالالارى مەن كومپانيالارىن كورسەتەدى.

اۋىل شارۋاشىلىعى ءمينيسترى ساپارحان وماروۆ بەس جىل ىشىندە ا و ك سالاسىندا جالپى سوماسى 4,1 تريلليون تەڭگەگە 400-گە جۋىق ينۆەستيتسيالىق جوبانى ىسكە اسىرۋ جوسپارلانىپ وتىرعانىن اتاپ ءوتتى. بۇل 2025 -جىلعا قاراي جالپى اۋىل شارۋاشىلىعى ءونىمىنىڭ كولەمىن 1,3 ەسە، ال ەكسپورتتى 2 ەسە ۇلعايتۋعا مۇمكىندىك بەرەدى. بۇل رەتتە 2023 -جىلعا قاراي ىشكى نارىقتى نەگىزگى الەۋمەتتىك ماڭىزى بار ازىق- تۇلىك تاۋارلارى بويىنشا وتاندىق ونىممەن مولىقتىرۋ قامتاماسىز ەتىلەتىن بولادى.

قاراعاندى وبلىسىنىڭ اكىمى جەڭىس قاسىمبەك بيىل وڭىرگە ماشينا جاساۋ، مەتاللۋرگيا جانە ت م ك سياقتى سالالارعا كەمىندە 810 ميلليارد تەڭگە ينۆەستيتسيا تارتۋ جوسپارلانىپ وتىرعانىن ايتتى. جىل سوڭىنا دەيىن 2,5 مىڭنان استام جاڭا جۇمىس ورىندارىن قۇرۋمەن 282,2 ميلليارد تەڭگە سوماسىنا 14 جوبا اياقتالاتىن بولادى.

قوستاناي وبلىسىنىڭ اكىمى ارحيمەد مۇحامبەتوۆ الداعى بەس جىلدا وڭىردە ماشينا جاساۋ، اۋىل شارۋاشىلىعى، جاڭارتىلاتىن ەنەرگەتيكا، دەنساۋلىق ساقتاۋ جانە ت. ب. سالالاردا 1,6 تريلليون تەڭگەدەن استام سوماعا 59 جوبانى ىسكە اسىرۋ جوسپارلانعانىن اتاپ ءوتتى.

ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى - «استانا» حالىقارالىق قارجى ورتالىعىنىڭ (ا ح ق و) باسقارۋشىسى قايرات كەلىمبەتوۆ شەتەلدىك جانە وتاندىق ينۆەستورلارمەن جۇمىس ىستەۋدىڭ جاڭا الگوريتمى ا ح ق و جانە «Kazakh Invest» ۇ ك» ا ق- نىڭ بارلىق ينۆەستيتسيالىق جوبالاردى ەگجەي- تەگجەيلى تەكسەرۋىن كوزدەيتىنىن باياندادى.

ينۆەستورلارمەن ءوزارا ءىس- قيمىلدىڭ تيىمدىلىگىن ارتتىرۋ ءۇشىن «Kazakh Invest» ۇ ك» ا ق جانە ا ح ق و- نىڭ «Business Connect» بولىمشەسى ساراپشىلارىنان «Task Force» ارنايى كەلىسسوز كومانداسى قۇرىلاتىن بولادى.

سونىمەن قاتار، كۆازيمەملەكەتتىك سەكتور سۋبەكتىلەرىنىڭ - «سامۇرىق- قازىنا» ءۇ ا ق» ا ق مەن «بايتەرەك» ۇ ب ح» ا ق- نىڭ ينۆەستيتسيالار تارتۋ جونىندەگى جۇمىسقا قاتىسۋى كەڭەيتىلەدى.

«جاڭا ينۆەستيتسيالىق تسيكلدى قالىپتاستىرۋ ىسكەرلىك بەلسەندىلىكتى قالپىنا كەلتىرۋدىڭ جانە ەكونوميكانىڭ ودان ءارى ساپالى ءوسۋىنىڭ باستى شارتى بولىپ تابىلادى»، - دەدى ا. مامين.

ستراتەگيالىق ينۆەستيتسيالىق كەلىسىمدەر جاساسۋ جونىندە شەشىمدەر قابىلداۋدىڭ نەگىزگى ورتالىعى ينۆەستيتسيالىق شتاب بولادى. ۇكىمەت جۇمىسىنىڭ قورىتىندىسى بويىنشا جىل سايىنعى نەگىزدە ينۆەستيتسيالار بويىنشا ۇلتتىق بايانداما قالىپتاستىرىلادى.

:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات