تەڭگەنىڭ نىعايۋىنا نە اسەر ەتتى - ۇلتتىق بانك

الماتى. قازاقپارات - تەڭگەگە سىرتقى نارىقتاعى وقيعالار مەن سىرتقى فاكتورلاردىڭ ءتۇرلى باعىتتا اسەر ەتۋى تۋرالى ۇلتتىق بانكتىڭ مونەتارلىق وپەراتسيالار دەپارتامەنتى ديرەكتورى نۇرجان تۇرسىنحانوۆ ايتىپ بەردى، دەپ حابارلايدى قازاقپارات ءتىلشىسى.

«ەڭ الدىمەن، تەڭگەنىڭ نىعايۋىنا مۇناي باعاسىنىڭ ءوسۋى اسەر ەتتى. Brent ەتالوندىق سۇرىپتى مۇناي باعاسىن بەلگىلەۋ بەيسەنبىنىڭ اشىلۋ باعاسىمەن سالىستىرعاندا، جۇما كۇنى تاڭەرتەڭ %5 دان استام قوسىپ، بۇرىن قول جەتكىزىلگەن ەڭ جوعارى ماندەرگە قايتا ورالدى. مۇناي ەكسپورتتاۋشى ەلدەر ۇيىمى ساۋىردە ءوندىرىس كولەمىن وزگەرىسسىز ساقتاۋ تۋرالى كۇتپەگەن شەشىم شىعاردى. بۇل شەشىم مۇناي نارىعىندا قالىپتاسقان جاعدايعا سەبەپ بولدى. سونىمەن قاتار، ساۋد ارابياسى ءوندىرىستى كۇنىنە 1 ميلليون باررەلگە ەرىكتى تۇردە قىسقارتۋدى ساقتاعىسى كەلەتىن نيەتىن جەتكىزدى»، - دەيدى نۇرجان تۇرسىنحانوۆ. م ە ە ۇ+ مينيسترلەر كەزدەسۋى 4-ناۋرىزدا بەيسەنبىدە وتكەن بولاتىن.

بۇعان دەيىن كەزدەسۋ قورىتىندىسى بويىنشا، ەلدەر ءوندىرۋدى كۇنىنە 0,5 ميلليون باررەلگە ارتتىرادى دەپ كەلىسىلگەن بولاتىن.

«ەكىنشى جاعىنان، كوپتەگەن ۆاليۋتالارعا قارسى ا ق ش دوللارىنىڭ نىعايۋى بايقالدى. ف ر ج جۇمىسپەن قامتۋ مەن ينفلياتسيادا ايتارلىقتاي ىلگەرىلەۋگە دەيىن ىنتالاندىرۋشى مونەتارلىق ساياساتتى ساقتاۋعا مىندەتتەمە بەرگەنىن مالىمدەگەنىمەن دج. پاۋەلل ءوزىنىڭ Wall Street Journal-عا بەرگەن كەشەگى سۇحباتىندا جىل باسىنان بەرى وبليگاتسيالار كىرىستىلىگىنىڭ وسۋىنە اسا كوپ الاڭداۋشىلىق بىلدىرمەدى. ف ر ج باسشىسىنىڭ سۇحباتى ا ق ش مەملەكەتتىك قۇندى قاعازدارىنىڭ كىرىستىلىگىنىڭ وسۋىنە تاعى ءبىر سەرپىن بەردى. 10 جىلدىق قازىناشىلىق وبليگاتسيانىڭ كىرىستىلىگى 2020 -جىلعى اقپاننىڭ ورتاسىنان باستاپ العاش رەت %1,57 دەڭگەيىنە جەتتى. بۇل Emerging markets تارتىمدىلىعىنىڭ تومەندەۋىنە اسەر ەتتى»، - دەيدى ۇلتتىق بانكتىڭ مونەتارلىق وپەراتسيالار دەپارتامەنتى ديرەكتورى.

ف ر ج باسشىسىنىڭ مالىمدەمەسى ا ق ش دوللارىنىڭ الەمدىك ۆاليۋتالارعا، ونىڭ ىشىندە دامۋشى ەلدەردىڭ ۆاليۋتالارىنا قاتىستى نىعايۋىنا ىقپال ەتتى. وڭتۇستىك افريكا راندى بەيسەنبى كۇنى تاڭەرتەڭنەن باستاپ جۇما ارالىعىندا %1,5 عا، برازيليا رەالى %0,9 عا، مەكسيكا پەسوسى %0,8 عا السىرەدى. تەڭگەگە قىسىمنىڭ قوسىمشا فاكتورى رەسەي رۋبلىنىڭ السىرەۋى بولدى. ول Bloomberg حابارلاماسى اياسىندا ا ق ش پەن ۇلى بريتانيا حيميالىق قارۋدى پايدالانعانى ءۇشىن رەسەيگە قارسى قوسىمشا سانكتسيالار ەنگىزۋ مۇمكىندىگىن تالقىلايتىن دەرەككوزدەرگە سىلتەمە جاساي وتىرىپ، %0,7 عا ارزاندادى. ا ق ش سوڭعى شارا رەتىندە ە و- پەن بىرگە دەربەس بورىشقا سانكسيالار ەنگىزۋ تۋرالى ماسەلەنى قاراستىراتىنى تۋرالى حابارلادى. ر ف و ب دەرەكتەرى بويىنشا، شەتەلدىك ينۆەستورلار جالپى نارىقتىڭ %23,4 ىن يەلەنە وتىرىپ، فەدەرالدىق بورىشتىڭ رۋبلدەگى وبليگاتسيالارىندا 42,8 ميلليارد دوللار ۇستايدى»، - دەدى ن. تۇرسىنحانوۆ.

اۆتور: گۇلميرا عوسمانالي