سەناتور جاستار اراسىنداعى بەدەۋلىكتىڭ سەبەپتەرىن ايتتى

None
None
نۇر-سۇلتان. قازاقپارات - سەناتتىڭ جالپى وتىرىسىندا دەپۋتات اقمارال ءالنازاروۆا ءوز ساۋالىندا جاستاردىڭ دەنساۋلىعىنا قاتىستى ماسەلەلەردى كوتەردى، دەپ حابارلايدى قازاقپارات ءتىلشىسى.

سەناتوردىڭ ايتۋىنشا، قازاقستاندا 15 پەن 24 جاس ارالىعىنداعى جاسوسپىرىمدەر مەن جاستاردىڭ ۇلەسى كەم دەگەندە 20 پايىزدى قۇرايدى.

سونىمەن بىرگە، دەموگرافيالىق بولجامدار بويىنشا، 2025 -جىلعا قاراي وسى جاس توبىنداعى حالىقتىڭ ۇلەسى وسەدى دەپ كۇتىلۋدە. الايدا سەناتور سوڭعى 3 جىلدا وسى الەۋمەتتىك توپ ىشىندە جاڭا ا ي ت ۆ - ينفەكسيالارىنىڭ (ۆ ي چ) ءوسۋى 43 پايىز بولعانىن اتاپ ءوتتى.

«الەۋمەتتىك زەرتتەۋلەر كورسەتكەندەي، جاسوسپىرىمدەردىڭ تەك 9 پايىزىنىڭ اۋرۋدىڭ بەرىلۋ جولدارى تۋرالى جان-جاقتى ءبىلىمى بار، 60 پايىزى جىنىستىق جولمەن بەرىلەتىن ينفەكسيالاردىڭ الدىن الۋ ادىستەرى تۋرالى بىلمەيدى، ال ناۋقاس جاستاردىڭ 62,6 پايىزى ءوز بەتىمەن ەمدەلگەن. بۇل قالىپتاسقان ادەتتىڭ ەڭ كوپ تارالاتىن سالدارى - بەدەۋلىك»، - دەدى اقمارال ءالنازاروۆا ۇكىمەت باسشىسىنىڭ اتىنا جولداعان دەپۋتاتتىق ساۋالىندا.

سەنات دەپۋتاتى قازاقستاندا جاستاردىڭ 128 دەنساۋلىق ورتالىعى جۇمىس ىستەيتىنىن جەتكىزدى. ءبىراق ولار ۋچاسكەلىك ەمحانا بولىمشەلەرى تۇرىندە عانا جۇمىس ىستەپ تۇر. بۇل ورتالىقتاردىڭ دامۋىنا كەدەرگى بولاتىندىعىن كورسەتەدى.

«سىزدەن حالىقارالىق ستاندارتتار نەگىزىندە جاستارعا قىزمەت كورسەتۋ بويىنشا سەرۆيستىڭ ودان ءارى جەتىلدىرىلۋى مەن قول جەتىمدىلىگى ءۇشىن جاعداي جاساۋدى، بارلىق وبلىستار مەن رەسپۋبليكالىق ماڭىزى بار قالالاردا زاڭدى دەربەس جاستار دەنساۋلىق ورتالىقتارىن قۇرۋدى قاراستىرۋدى سۇرايمىز. بۇل تولىق جانە ساپالى مەديتسينالىق كومەك كورسەتۋ، جاستار اراسىندا سانيتارلىق- اعارتۋشىلىق جۇمىستاردى ۇيىمداستىرۋ، ءتيىستى كولەمدە قاراجات ءبولۋ ءۇشىن كەرەك»، - دەدى اقمارال ءالنازاروۆا.

اۆتور: رۋسلان عابباسوۆ

سوڭعى جاڭالىقتار