ۆاسيلي لەۆيت فرانسۋز بوكسشىسىن جەڭىپ، يسپانياداعى تۋرنيردىڭ جارتىلاي فينالىنا شىقتى

نۇر-سۇلتان. قازاقپارات - كاستەلوندا (يسپانيا) بوكستان قازاقستاندىقتار دا قاتىسىپ جاتقان حالىقارالىق تۋرنير جالعاسۋدا.

قازاقستاندىق بوكسشى ۆاسيلي لەۆيت فرانسۋز بوكسشىسى سەيدي كۋپەمەن جەكپە-جەكتە جەڭىسكە جەتتى، دەپ حابارلايدى قازاقپارات Sports.kz سايتىنا سىلتەمە جاساپ.

جارىستا 91 كەلىگە دەيىنگى سالماق دارەجەسىندە قازاقستان اتىنان ۆاسيلي لەۆيت شىقتى. شيرەك فينالدا ول فرانسۋز بوكسشىسى سەيدي كۋپەمەن كەزدەسىپ، تورەشىلەردىڭ ءبىراۋىزدان قابىلداعان شەشىمىمەن جەڭىسكە جەتتى.

وسىلايشا، لەۆيت جارتىلاي فينالعا شىعىپ، وسى تۋرنيردە مەدال الاتىندىعى ايقىن بولدى. ۆاسيلي لەۆيت - وليمپيادا ويىندارىنىڭ كۇمىس جۇلدەگەرى (2016)، الەم چەمپيوناتىنىڭ قولا جۇلدەگەرى (2017، 2019)، ازيانىڭ ءۇش دۇركىن چەمپيونى (2009، 2015، 2017). سونىمەن قاتار ول قازاقستان چەمپيوناتىندا ءۇش رەت (2009، 2015، 2017) جەڭىسكە جەتكەن.