كوروناۆيرۋس: الەكسەي سوي قازاقستاندىق ۆاكتسينانى وزبەكستاندا شىعارۋدى ۇسىندى
مۇنداي ۇسىنىستى دەنساۋلىق ساقتاۋ ءمينيسترى الەكسەي سوي تاشكەنتتە ارىپتەسى ابدۋحاكيم حادجيبايەۆپەن كەزدەسۋدە جاسادى، دەپ حابارلايدى قازاقپارات.
قازاقستان پرەمەر-ءمينيسترىنىڭ ورىنباسارى ەرالى توعجانوۆ باستاعان رەسمي دەلەگاتسيا وزبەكستان رەسپۋبليكاسىنا بارعانىن بۇعان دەيىن جازعان بولاتىنبىز. ءىس ساپار بارىسىندا تاراپتار فارماتسيەۆتيكا سالاسىنداعى ىنتىماقتاستىقتى تالقىلادى، ءبىرقاتار كەزدەسۋ مەن كەلىسسوز وتكىزدى، سونداي-اق تاشكەنت قالاسىنداعى مەديتسينالىق نىسانداردىڭ جۇمىسىمەن تانىستى.
دەنساۋلىق ساقتاۋ ءمينيسترى الەكسەي سوي وزبەكستان رەسپۋبليكاسىنىڭ دەنساۋلىق ساقتاۋ ءمينيسترى ابدۋحاكيم حادجيبايەۆپەن كەلىسسوزدەر بارىسىندا وزبەكستانداعى فارماتسيەۆتيكالىق كاسىپورىندا وتاندىق QAZCOVID- IN ۆاكتسيناسىن شىعارۋ مۇمكىندىگىن قاراستىرۋدى ۇسىندى.
«ءبىز ەپيدەمياعا قارسى كۇرەستە سەرىكتەستىكتى جانداندىرۋدى، جەدەل جاعدايدا ءوزارا ءتيىمدى ءىس-قيمىل جاساۋدى، سونداي-اق قازىرگى ەپيدەميولوگيالىق احۋال جانە ونى تۇراقتاندىرۋ بويىنشا جۇرگىزىلىپ جاتقان شارالارعا قاتىستى اقپارات الماسۋدى جولعا قويۋدى ۇسىنامىز»، - دەدى ا. سوي.
سونىمەن قاتار، الەكسەي سوي دەنساۋلىق ساقتاۋدىڭ پەرسپەكتيۆالى سالالارىندا، ونىڭ ىشىندە سيفرلىق تەحنولوگيالار مەن زياتكەرلىك جۇيە، مەديتسينالىق ءبىلىم بەرۋ مەن عىلىم، فارماتسيا، مەملەكەتتىك-جەكەشەلىك ارىپتەستىك جانە باسقا دا ىنتىماقتاستىقتى نىعايتۋ، قازاقستان مەن وزبەكستاننىڭ دەنساۋلىق ساقتاۋ مينيسترلىكتەرى اراسىنداعى دەنساۋلىق ساقتاۋ ماسەلەلەرى جونىندە بىرلەسىپ كەلىسىم ازىرلەۋ قاجەتتىگىن ايتتى.
«ءىس ساپاردىڭ العاشقى كۇنى ۇكىمەتتىك دەلەگاتسيا مۇشەلەرى اكادەميك ا. ۆاحيدوۆ اتىنداعى رەسپۋبليكالىق مامانداندىرىلعان عىلىمي-پراكتيكالىق مەديتسينالىق ورتالىققا باردى. مۇندا جۇرەك جانە قان تامىرلارى، اسقازان-ىشەك جولدارى، باۋىر جانە ۇيقى بەزى، وكپە جانە مەدياستينالىق ورگاندار اۋرۋلارى بار ناۋقاستارعا جوعارى بىلىكتى جالپى جانە مامانداندىرىلعان حيرۋرگيالىق كومەك كورسەتىلەدى»، - دەدى ق ر دەنساۋلىق ساقتاۋ مينيسترلىگىنەن.
سونداي-اق، ولار 2020-جىلى پاندەميامەن كۇرەسۋ ءۇشىن سالىنعان زانگيوتين اۋدانىنداعى 1№ جانە 2№ مامانداندىرىلعان جۇقپالى اۋرۋلار اۋرۋحانالارىنىڭ قىزمەتىمەن تانىستى. نىسان ءبىر ۋاقىتتا 10 مىڭ ادام قابىلدايدى جانە COVID-19 شالدىققان ناۋقاستاردى ەمدەۋگە، كارانتينگە مۇقتاج شەتەلدەن ورالعان وزبەكستان ازاماتتارىن ورنالاستىرۋعا ارنالعان.
سونىمەن قاتار، دەلەگاتسيا «Dentafill» ج ش ق فارماتسيەۆتيكالىق زاۋىتىن ارالادى.
ايتا كەتەيىك، 2020-جىلعى قاراشادا قازاقستان مەن وزبەكستان اراسىنداعى ىنتىماقتاستىقتى دامىتۋ جونىندەگى جول كارتاسى قابىلداندى. وعان فارماتسيەۆتيكا ونەركاسىبى سالاسىنداعى ونەركاسىپتىك كووپەراتسيا ماسەلەلەرى ەنگىزىلدى.
اتاپ ايتقاندا: شىمكەنت قالاسىندا 2020-2022-جىلدارى دارىلىك جانە گيگيەنالىق قۇرالدار وندىرەتىن زاۋىت سالۋ؛ 2021-جىلى وزبەكستان اۋماعىندا فارماتسيەۆتيكالىق ءونىم شىعاراتىن بىرلەسكەن كاسىپورىندار قۇرۋ.