قازاقستاندا كوكتەمگى اڭشىلىق ماۋسىمى اشىلدى
كوكتەمدە ءتيىستى اڭشىلىق شارۋاشىلىعى سۋبەكتىسى قورىقشىسىنىڭ باقىلاۋىمەن قوڭىر ايۋ، ۇيرەك، قارا تورعاي جانە تىزىمدە كورسەتىلگەن باسقا دا جانۋارلاردى اۋلاۋعا رۇقسات ەتىلەدى.
ايتا كەتەيىك، ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى ق ر اۋىل شارۋاشىلىعى ءمينيسترىنىڭ م. ا. بۇيرىعىمەن بەكىتىلگەن اڭ اۋلاۋ قاعيدالارىنىڭ 19-تارماعى نەگىزىندە اڭ اۋلاۋ ماۋسىمىنىڭ باستالۋى تۋرالى بۇيرىق شىعارادى. كوكتەمگى اڭ اۋلاۋ ەرەجەلەرىنە سايكەس، ۇيرەكتى اۋلاۋعا تەك اڭشىدا جاساندى ۇيرەك نەمەسە تۇلىبى بولعان جاعدايدا عانا رۇقسات ەتىلەدى.
ال اۋەسقوي (سپورتتىق) اڭ اۋلاۋ تەك بەكىتىلگەن اڭشىلىق القاپتارىندا عانا رۇقسات ەتىلەدى. سونداي- اق، بۇل بەكىتىلگەن اڭشىلىق القاپتارعا بارۋعا جولداما قاجەت. ەگەر جانۋارلار دۇنيەسىن پايدالانۋ تالاپتارى مەن اڭ اۋلاۋ قاعيدالارى بۇزىلعان جاعدايدا، ق ر اكىمشىلىك قۇقىق بۇزۋشىلىق تۋرالى كودەكسىنىڭ 382-بابىنا سايكەس جەكە تۇلعالارعا 70 ا ە ك مولشەرىندە ايىپپۇل سالۋ نە اكىمشىلىك قۇقىق بۇزۋشىلىق قۇرالدارى تاركىلەنىپ، ەكى جىلعا دەيىنگى مەرزىمگە اڭ اۋلاۋ قۇقىعىنان ايىرۋ تۇرىندەگى ەڭ جوعارعى جازا كوزدەلگەن.
اۆتور: اياۋلىم التىنبەك