قازاقستان سۋپەركۋبوگى فينالىندا «استانا» مەن «توبىل» وينايدى
نەگىزگى ۋاقىتتا 3:3 ەسەبىمەن تەڭ ءتۇسىپ، ويىن سوڭىنداعى پەنالتي سەرياسىندا قوستانايلىق كلۋبتىڭ اسىعى الشىسىنان ءتۇستى.
بيىلعى قازاقستان سۋپەركۋبوگى جاڭا فورماتتا وتۋدە. ويىندار تۇركىستانداعى كەشە وتكەن ءبىرىنشى جارتىلاي فينالدا «استانا» «شاحتەردى» 2:0 ەسەبىمەن ۇتىپ، فينالعا شىققان. بۇگىن «توبىل» ەكىنشى جولدامانى يەلەندى.
ءبىرىنشى تايمدا كوماندالار 1:1 ەسەبىمەن تەڭ تارقاسىپ شىقتى. ءبىرىنشى بولىپ اسحات تاعىبەرگەن «توبىلدى» العا شىعاردى. 40 مينۋتتا نەبويشا كوسوۆيچ تارازى باسىن تەڭەستىردى.
ەكىنشى تايمدا الماتىلىق كلۋب ەسەپتە العا شىققان. 67 مينۋتتا گۇلجىگىت اليكۋلوۆ بەرگەن دوپتى ارتۋر شۋشەناچيەۆ «توبىل» قاقپاسىنىڭ تورىندا تۋلاتتى. ءبىراق «قايراتتىڭ» بۇل قۋانىشى ۇزاققا سوزىلمادى. 74 مينۋتتا سەرگەي مالىي ەسەپتى تەڭەستىرسە، اراعا 2 مينۋت سالا سەرىكجان مۋجيكوۆ قوستانايلىق كوماندانى العا شىعاردى.
ويىن اياقتالار تۇستا «قايراتتىڭ» قىرعىزستاندىق لەگيونەرى گۇلجىگىت اليكۋلوۆ ەرەكشە ويىنىمەن كوزگە ءتۇسىپ، ەسەپتى تەڭەستىردى. ونىڭ قيا تەپكەن دوبىن «توبىل» قاقپاشىسى الەكساندر موكين قايتارىپ ۇلگەرمەدى. ەسەسىنە ويىن سوڭىنداعى پەنالتي سەرياسىندا ءتىس قاققان قاقپاشى ناعىز شەبەرلىگىن بايقاتتى. «قايرات» كومانداسى ساپىندا پەنالتي تەپكەن رادو دۋگاليچ پەن كامو وگانەسيان تەپكەن دوپتى قايتارا ءبىلدى.
ويىن سوڭىندا «قايرات» ساپىنان ءنۇرالى ءالىپ الاڭنان قۋىلدى. ول 5- ناۋرىز كۇنى ءۇشىنشى ورىن ءۇشىن وتەتىن «شاحتەرعا» قارسى ويىنعا قاتىسپايدى.
«توبىل» — «قايرات» 3:3 (1:1)، پەن. 4:2
گول سوققاندار: تاعىبەرگەن 9 (1:0)، كوسوۆيچ 40 (1:1)، شۋشەناچيەۆ 67 (1:2)، مالىي 73 (2:2)، مۋجيكوۆ 75 (3:2)، الىكۋلوۆ 90+1 (3:3)
پەنالتي تەپكەندەر: دۋگاليچ — 0:0 (قاقپاشى)، مۋجيكوۆ — 1:0، كوسوۆيچ — 1:1، يوۆانچيچ — 2:1، ابىكەن — 2:2، تاعىبەرگەن — 3:2، وگانەسيان — 3:2 (قاقپاشى)، لوبجانيدزە — 4:2
قىزىل قاعاز: ءالىپ 90+5.
«استانا» مەن «توبىل» اراسىنداعى فينالداعى ويىن 6- ناۋرىز كۇنى وتەدى.
massaget.kz