جول اپاتىنا سەبەپكەر بولعان جىلقىنىڭ يەسى قامالۋى مۇمكىن
س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، وقىس وقيعا 3- ناۋرىز كۇنى اقجار اۋدانىندا بولعان. «كوكشەتاۋ-ومبى» رەسپۋبليكالىق اۆتوجولىنىڭ 178 شاقىرىمىندا «Nissan Primera» اۆتوكولىگىنىڭ 40 جاستاعى تۇرعىنى جولعا شىققان جىلقىنى سوعىپ كەتكەن. جىلقى دا، جۇرگىزۋشى دە امان، كولىك زاقىمداندى. وقيعا ورنىنا اۋداندىق پوليتسيا بولىمشەسىنىڭ جەدەل-تەرگەۋ توبى باردى. جىلقى اۋىل تۇرعىندارىنىڭ جىلقىسىن باعاتىن جىلقىشىعا، 40 جاستاعى اۋىل تۇرعىنىنا تيەسىلى ەكەن.
ول «اۋىل شارۋاشىلىعى جانۋارلارىن جايۋ قاعيدالارىن، يتتەر مەن مىسىقتاردى اسىراۋ جانە سەرۋەندەتۋ قاعيدالارىن، قاڭعىباس يتتەر مەن مىسىقتاردى اۋلاۋ جانە جويۋ قاعيدالارىن بۇزۋ» بابى بويىنشا قىلمىستىق جاۋاپكەرشىلىككە تارتىلدى.
سونىمەن قاتار، «جاياۋ جۇرگىنشىلەردىڭ جانە جول جۇرىسىنە وزگە دە قاتىسۋشىلاردىڭ جول ءجۇرىسى قاعيدالارىن بۇزۋ» بابى بويىنشا ماتەريالدار جينالىپ، سوتقا جولداندى.
وسى باپ بويىنشا ءتارتىپ بۇزۋشىعا 20 ا ە ك مولشەرىندە ايىپپۇل سالىنادى نەمەسە 3 تاۋلىككە قاماۋعا الىنادى.
«بۇرىن بۇل جىلقىشى بەس رەت مال باعۋ ەرەجەسىن بۇزعانى ءۇشىن اكىمشىلىك جاۋاپكەرشىلىككە تارتىلعان. وتكەن جىلدىڭ قىركۇيەگىندە وسى ادامنىڭ جاۋاپسىزدىعى سالدارىنان جولدا اپات بولدى. اۋداندىق پوليتسيا ءبولىمىنىڭ قىزمەتكەرلەرى ەركىن مال جايىلىمىنا بايلانىستى قىلمىستار مەن قۇقىق بۇزۋشىلىقتاردىڭ الدىن-الۋ جۇمىستارىن جۇرگىزۋدە. جىل باسىنان بەرى اۋداندا بوس جۇرگەن مالعا قاتىستى 21 اكىمشىلىك حاتتاما تولتىرىلدى. مال ۇرلىعى فاكتىلەرى بولعان جوق»، - دەيدى اقجار اۋداندىق پوليتسيا ءبولىمىنىڭ باستىعى ەركىن ماحمەتوۆ.