قار كوشكىنىنەن «وسكەمەن-التاي» تراسساسى جابىلدى

وسكەمەن. قازاقپارات - شىعىس قازاقستان وبلىسىندا جاساندى جولمەن قار كوشكىنى ءتۇسىرىلدى، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وڭىردە كەشەلى بەرى توقتاۋسىز قار جاۋىپ، تاۋلى ايماقتاردا كوشكىن ءجۇرۋ قاۋپى ارتا تۇسكەن.

وسىعان وراي 3- ناۋرىزدا كەشكە قاراي «وسكەمەن-تارعىن-سامار» جانە «وسكەمەن-تاۋلى ءۇلبى-سيەۆەرنوە» تاسجولدارى جابىلدى.

«قاز سەلدەن قورعاۋ» ش ق و ف ماماندارى «وسكەمەن-التاي» تاسجولىندا جاساندى جولمەن قار كوشكىنىن ءتۇسىردى. ونعا جۋىق ۋچاسكەدەن 275 مىڭ تەكشە مەتر قار ءتۇسىپ، جولدى تۇگەل جاۋىپ قالعان. قازىرگى ۋاقىتتا جولدى اشۋ جۇمىستارى جۇرگىزىلۋدە»، - دەپ حابارلادى ۆەدومستۆو وكىلدەرى.

ەستەرىڭىزگە سالا كەتسەك، وسىعان دەيىن شىعىس قازاقستان وبلىسىندا 7- ناۋرىزعا دەيىن كوشكىن ءجۇرۋ قاۋپى ساقتالاتىندىعىن حابارلاعان بولاتىنبىز.