+7 (701) 759 90 19
+7 °С : نۇر-سۇلتان
+14 °С : الماتى
USD 430.26 EUR 515.32
RUB 5.61 CNY 65.99
جاڭالىقتار

ەلىمىزدىڭ ج و و- لارىندا جاڭا ماماندىق ءتۇرى قوسىلدى

3 ناۋرىز 21:16
:ءبولىسۋ
ەلىمىزدىڭ ج و و- لارىندا جاڭا ماماندىق ءتۇرى قوسىلدى

نۇر- سۇلتان. قازاقپارات - ەلىمىزدىڭ جوعارى وقۋ ورىندارىندا سۋيتسيدولوگيا سالاسىنداعى ماماندار دايارلانادى.

بۇل تۋرالى ءماجىلىس دەپۋتاتتارىنىڭ ساۋالىنا ق ر پرەمەر- ءمينيسترى اسقار ءماميننىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«باس پروكۋراتۋرانىڭ دەرەكتەرىنە سايكەس، 2020 -جىلى جاسوسپىرىمدەر اراسىندا 143 سۋيتسيد (وزىنە قول سالۋ) جاعدايى تىركەلگەن، بۇل 2019 -جىلمەن سالىستىرعاندا 36 بىرلىككە (2019 -جىلى - 179)، ال سۋيتسيد ارەكەتتەرىنىڭ سانى 44 بىرلىككە (2020 -جىلى – 306، 2019 -جىلى - 350) ازايعان. ۇكىمەت تاراپىنان جاسوسپىرىمدەر اراسىندا ءسۋيتسيدتىڭ كوبەيۋى ماسەلەلەرىن شەشۋ ماقساتىندا 2020-2023 -جىلدارعا ارنالعان ارنايى جول كارتاسى قابىلداندى. قۇجاتتا جاستار مەن بالالار اراسىنداعى سۋيتسيدتىك مىنەز- قۇلىقتىڭ الدىن الۋ جانە ولارعا قاجەتتى مەديتسينالىق- پسيحولوگيالىق كومەك كورسەتۋگە باعىتتالعان كەشەندى شارالار قاراستىرىلعان»، - دەدى ۇكىمەت باسشىسى.

ونىڭ اتاپ وتۋىنشە، بۇگىندە وڭىرلەردە 1876 پسيحولوگيالىق قىزمەت قۇرىلدى. وندا بالالاردىڭ قۇقىقتارىن قورعاۋ بويىنشا 11 مىڭنان استام مامان، ونىڭ ىشىندە ءبىلىم بەرۋ جۇيەسىندە 7 مىڭنان استام پەداگوگ- پسيحولوگ جۇمىس ىستەيدى. ولار كۇندەلىكتى ومىردە پسيحولوگيالىق قيىندىقتارعا تاپ بولعان بالالارعا جانە ولاردىڭ اتا- انالارىنا كومەك كورسەتەدى. سونىمەن قاتار بارلىق وڭىرلەردە «جانۇيا» وتباسى ينستيتۋتىن قولداۋ ورتالىقتارى اشىلدى. ورتالىقتار ولار وتباسىلارعا الەۋمەتتىك بەيىمدەۋ، وقىتۋ جانە تاعى باسقا ماسەلەلەر بويىنشا زاڭگەرلىك، پسيحولوگيالىق جانە الەۋمەتتىك كومەك كورسەتەدى.

«ءبىلىم بەرۋ ۇيىمدارىندا زورلىق- زومبىلىقتى، قاتىگەزدىكپەن قاراۋدى بولدىرماۋ، ونىڭ ىشىندە سۋيتسيدتىك مىنەز- قۇلىقتىڭ الدىن الۋ جۇمىستارىن كۇشەيتۋ شارالارى قابىلدانۋدا. جوعارى وقۋ ورىندارىندا سۋيتسيدولوگيا سالاسىنداعى مامانداردى دايارلاۋ شارالارى قابىلدانۋدا. جاسوسپىرىمدەردىڭ پسيحيكالىق دەنساۋلىعىن قورعاۋ ماسەلەلەرى پەدوگوگيكالىق جوعارى وقۋ ورىندارىنىڭ جانە كوللەدجدەردىڭ ءبىلىم بەرۋ باعدارلامالارىنا ەنگىزىلدى»، - دەدى پرەمەر- مينيستر.

ۇكىمەت باسشىسىنىڭ ايتۋىنشا، رەسپۋبليكالىق پسيحيكالىق دەنساۋلىق عىلىمي- پراكتيكالىق ورتالىعى مەن ب ۇ ۇ بالالار قورىنىڭ (يۋنيسەف) بىرلەسكەن جوسپارى اياسىندا 2020 -جىلى ءبىلىم بەرۋ ۇيىمدارىنىڭ بارلىق پەداگوگ- پسيحولوگتارىنىڭ بىلىكتىلىگىن ارتتىرۋ كۋرستارى ۇيىمداستىرىلدى.

«بالالارعا قاتىستى زورلىق- زومبىلىق جانە قاتىگەز قاراۋ پروبلەماسىنا كوپشىلىكتىڭ نازارىن اۋدارۋ ماقساتىندا جىل سايىن «قاتىگەزدىكسىز جانە زورلىق- زومبىلىقسىز بالالىق شاق» رەسپۋبليكالىق اقپاراتتىق ناۋقانى (2020 -جىلى ناۋقان اياسىندا 754,9 مىڭ وقۋشىنى جانە 276,3 مىڭ اتا- انانى قامتي وتىرىپ، 7 مىڭنان استام ءىس- شارا وتكىزىلدى) وتكىزىلەدى»، - دەدى اسقار مامين.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات