قازاقستاندا كوروناۆيرۋسقا قارسى ۆاكسينا العاندار سانى بەلگىلى بولدى

نۇر- سۇلتان. قازاقپارات – ق ر دەنساۋلىق ساقتاۋ ۆيتسە- ءمينيسترى اجار عينيات ەلىمىزدە قانشا ادام كۆي- گە قارسى ۆاكتسينا العانىن ناقتىلادى، دەپ حابارلايدى قازاقپارات ءتىلشىسى.

ورتالىق كوممۋنيكاتسيالار قىزمەتىندە وسى ۋاقىتقا دەيىن قانشا ادامعا ك ۆ ي- گە قارسى ۆاكسينا سالىنعانى سۇرالدى.

«قازىرگى كەزدە 22 مىڭ ادام ۆاكتسينا الدى»، - دەدى اجار عينيات.

ايتا كەتەيىك، ق ر دسم سانيتارلىق- ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا وڭىرلەرگە ۆاكسينانىڭ ەكىنشى پارتياسىن جەتكىزۋ ءجۇرىپ جاتقانىنا، جالپى مەديتسينا قىزمەتكەرلەرىن ۆاكتسينالاۋ جالعاسىپ جاتقانىن ايتتى.

«پەداگوگتاردى ۆاكسينالاۋ دا باستالدى. بۇگىن تاڭەرتەڭگى جاعداي بويىنشا 458 پەداگوكقا ەكپە جاسالدى»، - دەدى ايجان ەسماعامبەتوۆا.

بۇدان بولەك قازىرگى كەزدە ول كۇش قۇرىلىمدارىنىڭ 275 قىزمەتكەرىنە ۆاكسينا جاسالعانىن ناقتىلادى. بۇدان بۇرىن حابارلانعانداي، بيىل 6 ميلليون ادامعا ك ۆ ي- گە قارسى ۆاكسينا سالىنادى.