مينيسترلىك ناۋرىز مەيرامىندا اۋقىمدى ءىس- شارالار ۇيىمداستىرماۋعا شاقىردى

نۇر- سۇلتان. قازاقپارات – ق ر دەنساۋلىق ساقتاۋ ءبىرىنشى ۆيتسە- ءمينيسترى مارات شورانوۆ ناۋرىز ايىندا كۆي- ءدىڭ تارالۋ ۇردىسىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

ورتالىق كوممۋنيكاتسيالار قىزمەتىندە ناۋرىز- ءساۋىر ايلارىندا كوروناۆيرۋستىڭ تارالۋى كورسەتكىشىنە قاتىستى سۇراق قويىلدى.

«جالپى، قازىرگى جانە اقپان ايىنداعى جاعدايعا قاراپ، ناۋرىز جانە الداعى ايدا 15 مىڭنان 20 مىڭعا دەيىن ناۋقاس بولۋى مۇمكىن دەگەن ەسەپتەۋلەر جاسالىپ وتىر. دەگەنمەن، بارلىعى وزىمىزگە بايلانىستى. ناۋرىزدا ءبىراز مەرەكە كۇندەرى قامتىلعان»، - دەپ توقتالدى ءبىرىنشى ۆيتسە- مينيستر.

وسى ورايدا ول وتكەن جاڭا جىلدىق مەرەكەلەۋدەن كەيىنگى ەكى اپتادان سوڭ بىزدە ناۋقاستاردىڭ سانى كوبەيگەنىن اتاپ ءوتتى.

«سوندىقتان ۇلكەن تويلاردى جاساماۋعا، ءىرى مەرەكەلىك ءىس- شارالاردى ۇيىمداستىرماۋعا شاقىرامىز. ناۋرىز مەيرامىن وتباسى مۇشەلەرىمەن عانا اتاپ وتكەن دۇرىس بولادى. سوندىقتان ماسكا تاعىپ، الەۋمەتتىك قاشىقتىقتىقتى ساقتاعان ابزال»، - دەدى م. شورانوۆ.