الماتى وبلىسىندا ءۇيى ورتەنىپ كەتكەن كوپ بالالى وتباسى باسپانالى بولدى

تالدىقورعان. قازاقپارات - الماتى وبلىسىندا ءۇيى ورتەنىپ كەتكەن كوپبالالى وتباسى باسپانالى بولدى، دەپ حابارلايدى قازاقپارات ءتىلشىسى.

26 -اقپان كۇنى تالعار اۋدانى تالدىبۇلاق اۋىلىندا كوپبالالى وتباسىنىڭ ۇيىنەن ءورت شىعىپ، باسپانا تولىعىمەن جانىپ كەتكەن. قىزىل جالىن شىققان كەزدە وتباسى ۇيدە بولعان. وتباسى مۇشەلەرى عيماراتتان جەڭىل كيىممەن قاشىپ شىعىپ، امان قالعان. وتباسىندا 6 بالا بار. ۇلكەنى - 14 جاستا، كىشىسى – 7 ايلىق. ورتتەن كەيىن جانۇياعا جەرگىلىكتى اكىمشىلىك پەن اۋىل تۇرعىندارى، دەمەۋشىلەر جانە مەشىت يمامدارى تاراپىنان كومەك كورسەتىلدى. بۇگىن دەمەۋشىلەردىڭ كومەگىمەن كوپبالالى وتباسىنا تالعار قالاسىنان جاڭا باسپانا سىيعا بەرىلدى.

اۆتور: سامال قابىشيەۆا