+7 (701) 759 90 19
+7 °С : نۇر-سۇلتان
+14 °С : الماتى
USD 433.55 EUR 515.53
RUB 5.62 CNY 66.25
جاڭالىقتار

قازاقستان قىرعىزستانعا اسكەري- تەحنيكالىق كومەك كورسەتەتىن بولدى

3 ناۋرىز 18:27
:ءبولىسۋ
قازاقستان قىرعىزستانعا اسكەري- تەحنيكالىق كومەك كورسەتەتىن بولدى

نۇر- سۇلتان. قازاقپارات - قازاقستان مەن قىرعىزستان قورعانىس مينيسترلەرى اسكەري ىنتىماقتاستىق تۋرالى قۇجاتتارعا قول قويدى، دەپ حابارلايدى قازاقپارات ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.

قازاقستاننىڭ قورعانىس ءمينيسترى گەنەرال- لەيتەنانت نۇرلان ەرمەكبايەۆ قىرعىزستان پرەزيدەنتىنىڭ رەسمي ساپارى اياسىندا كەلگەن قىرعىز ارىپتەسى گەنەرال- مايور تالايبەك ومىراليەۆپەن كەزدەستى.

تاراپتار اسكەري ىنتىماقتاستىقتىڭ، وڭىرلىك قاۋىپسىزدىكتىڭ، ۇ ق ش ۇ، ت م د، ش ى ۇ شەڭبەرىندەگى كوپجاقتى ءوزارا ءىس- قيمىلدىڭ وزەكتى ماسەلەلەرى جونىندە پىكىر الماستى.

نۇرلان ەرمەكبايەۆ پەن تالايبەك ومىراليەۆ قىرعىزستانعا اسكەري- تەحنيكالىق كومەك كورسەتۋ، سونداي- اق 2021 -جىلعا ارنالعان اسكەري ىنتىماقتاستىق جوسپارى تۋرالى كەلىسىمگە قول قويدى. «بۇگىنگى كەزدەسۋ بارىسىندا قول جەتكىزىلگەن ۋاعدالاستىقتار قورعانىس سالاسىنداعى بۇدان ءارى تاجىريبەلىك ءوزارا ءىس- قيمىلعا نەگىز بولادى دەپ سەنەمىن»، - دەپ قازاقستان قورعانىس ۆەدومستۆوسىنىڭ باسشىسى اتاپ ءوتتى.

كەزدەسۋ بارىسىندا ەكى ەلدىڭ قارۋلى كۇشتەرى بولىمشەلەرىنىڭ جاۋىنگەرلىك دايىندىعى، سونىڭ ىشىندە وسى جىلى قازاقستان اۋماعىندا «اڭىراقاي» بىرلەسكەن وقۋ- جاتتىعۋىن وتكىزۋ، بيىلعى ارميا حالىقارالىق ويىندارىنىڭ سايىستارىنا قاتىسۋ، ارنايى وپەراتسيالار كۇشتەرىن دايارلاۋ ءىس- شارالارى، سونداي- اق اسكەري ءبىلىم شەڭبەرىندە ءارى قاراي ءوزارا ءىس- قيمىل ماسەلەلەرى تالقىلاندى.

ايتا كەتەيىك، قىرعىزستان پرەزيدەنتى سادىر جاپاروۆ قازاقستانعا مەملەكەتتىك ساپارمەن كەلگەن بولاتىن. وسى ساپار اياسىندا قىرعىزستان باسشىسى قازاقستان پرەزيدەنتى قاسىم- جومارت توقايەۆپەن شاعىن جانە كەڭەيتىلگەن قۇرامدا كەلىسسوزدەر جۇرگىزدى. سونداي- اق ەكى ەلدىڭ باسشىلارى كەلىسسوزدەردىڭ قورىتىندىسى بويىنشا ءبىرقاتار قۇجاتقا قول قويدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات