+7 (701) 759 90 19
+7 °С : نۇر-سۇلتان
+14 °С : الماتى
USD 430.26 EUR 515.32
RUB 5.61 CNY 65.99
جاڭالىقتار

قىرعىزستان پرەزيدەنتى ماناسشى بايانعالي ءالىمجانعا «دوستىق» وردەنىن تابىستادى

3 ناۋرىز 19:48
:ءبولىسۋ
قىرعىزستان پرەزيدەنتى ماناسشى بايانعالي ءالىمجانعا «دوستىق» وردەنىن تابىستادى

نۇر-سۇلتان. قازاقپارات - قىرعىز رەسپۋبليكاسىنىڭ پرەزيدەنتى سادىر جاپاروۆ قازاقستانداعى جالعىز ماناسشى، تانىمال جازۋشى، دراماتۋرگ بايانعالي ءالىمجانعا «دوستىق» وردەنىن تابىستادى، دەپ حابارلايدى قازاقپارات ءتىلشىسى.

ماراپاتتاۋ راسىمىنە ق ر مادەنيەت جانە سپورت ءمينيسترى اقتوتى رايىمقۇلوۆا قاتىستى. قىرعىز رەسپۋبليكاسىنىڭ پرەزيدەنتى سادىر جاپاروۆتىڭ جارلىعىنا سايكەس، قىرعىزدىڭ «ماناس» ەپوسىن قازاقستاندا تانىتىپ، قىرعىز رەسپۋبليكاسى مەن قازاقستان رەسپۋبليكاسى اراسىنداعى مادەني سەرىكتەستىكتى نىعايتۋعا قوسقان ۇلەسى ءۇشىن قازاقستاننىڭ ەڭبەك سىڭىرگەن قايراتكەرى، جازۋشى، دراماتۋرگ، ايتىسكەر- اقىن جانە ماناسشى ءالىمجانوۆ بايانعالي توقان ۇلى «دوستىق» وردەنىمەن ماراپاتتالدى.

«ماعان ۇلكەن قۇرمەت كورسەتىپ، ەڭبەگىمدى باعالادى. وسىنداي ماڭىزدى وردەندى تابىستاعانى ءۇشىن قىرعىز حالقىنا العىس ايتامىن. مەن قازاق ەپوستارىن قالاي جاقسى كورسەم، قىرعىز ەپوستارىن دا سولاي سۇيەمىن»، - دەدى ماناسشى بايانعالي ءالىمجانوۆ.

ءالىمجانوۆ بايانعالي توقان ۇلى - اقىن، جازۋشى، دراماتۋرگ، سۋىرىپ سالما اقىن، جىرشى- جىراۋ، ساتيريك، سىنشى، ادەبيەتتانۋشى، رەجيسسەر، سەناريست، كينواكتەر، ءتىلشى، كينودوكۋمەنتاليست، تەلەجۇرگىزۋشى، اۋدارماشى، بالالار اقىنى جانە بالالار جازۋشىسى، 50 دەن اسا كىتاپتىڭ اۆتورى. كوپ قىرلى تالانتتى قازاقستاندىقتىڭ تۋىندىسى ۇلى بريتانيادا مويىندالدى جانە ونى بەلگىلى بريتاندىق Hertfordshire Press باسىلىمى جاريالادى.

ەسكە سالا كەتسەك، كەشە قىرعىز رەسپۋبليكاسىنىڭ پرەزيدەنتى سادىر جاپاروۆ نۇر-سۇلتانعا مەملەكەتتىك ساپارمەن كەلدى. مەملەكەت باسشىسى قاسىم-جومارت توقايەۆ شاعىن جانە كەڭەيتىلگەن قۇراممەن قىرعىز رەسپۋبليكاسىنىڭ پرەزيدەنتى سادىر جاپاروۆپەن كەلىسسوز جۇرگىزدى. مەملەكەت باسشىلارى ورتاق بىرلەسكەن مالىمدەمە جاسادى.

اۆتور: بالنۇر قوجاگەلدى



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات